العقلية يا نومرلاند هي الساس، أحنا تعلمنا و قرينا و خرجنا بنسبة باهية من الأمية متاع الكتابة و القراية، لكن الأمية في العقلية ماشية و تكبر و أصبحت عقليتنا هي الداء الحقيقي.
و النوع لول و الثاني هوما إلّى يمثلوا أغلبية المجتمع.. هوما خطر على البلاد من ناحية الأخلاق والهوية و المواطنة
ربي يقدّر الخير

اكا العريضة ولات فضيحة! بالله اش كون بش يقبل عريضة محصص عليها سنفور 17 ؟؟ الا ما يعلقوها نكتة الموسم...
اللي خايف ما يصححش، عل الاقل ما يضرش جهد اللي عملوها و يطيح الكل ف الما.

اما الحق يقال، ما تلومش ع الزوالي اللي يكذب و هوا عارف اللي المكذوب عليه فيبالو بالكذبة. ماو كان ما يكذبش، يمرجولو العيشة متاعو بالاساليب الانتقامية متع الحرمان متع ابسط المعاملات. يعني يصليوه علي نار هادية...
وااااااه يا تونس

هناني

عندك الحق يا هناني ... الناس في بالهم ان الجهل هو جهل القراءة و الكتابة لكن الجهل الحقيقي هو جهل التحضر

بنت عايلة

شفت ماهوا هاك الفضايح في البيتيسيون ؟

حتى شيء ما يبرر الكذب صديقتي, في ما يخص جماعة التبلعيط حتى تحت التهديد ... على الاقل التهديد البسيكولوجي

شيء مؤسف حقّا ، و كأنّنا رجعنا بالتوالي
اليوم 31 جانفي تمّت مصادرة جريدة الطّريق الجديد في عددها الصّادر
إلى أين يا تونس ؟؟؟

ولادة
شوف هاك القطعة صياغة فوندو...قالو الطريق الجديد؟
موش مديرها في مجلس المستشارين؟ موش هو الي أعرب عن شكره وامتنانه لما حباه به من ثقة وعن ابتهاجه بالانتماء نهارت الي حطوه؟
اش بيه محلش فمو؟
اذ مديرها يعرب عن امتنانو باش نجي انا نتكلم؟و زيد عباد محبتش تفهم انو الشيوعية راهي ديمودي وخرتشوف كلاه الدود

عمروش

أنا ما نيش نحكي على الجريدة في حدّ ذاتها و إلاّ على مولاها ، أنا طرحت مسألة المصادرة في مفهومها الشامل و ممارساتها الفاضحة مهما كان الّي تصادر
مثلا : فمّة مدوّنات ما عندي بيهم حتّى علاقة و إلاّ عمري ما قريتهم و إلاّ تصنصرو قبل ما نبدا أنا التدوين ، نتضامن معاهم لمجرّد إيماني أنّ تكميم الأفواه عمره ما كان حلّ في بلاد تدّعي بحقوق الإنسان

@Amrouch
Tu vois la mon ami tu gaffes. Tu veux dire que c'est ok de censurer les communistes mais pas les fondmentalistes? c'est un peu ca non? c'est ce que je lis entre les lignes en tout cas.
Je suis sur que tu es conscient que ce que tu a ecrit est incorrect.
Le principe de censure est inacceptable indépendamment de ce qui est censure même si c'est abject pour certain. ridicule pour d'autre ou même démode!!
Je croyais qu'on a compris cela depuis longtemps sur cet espace....

إلّى يقبل مصادرة جهة من الجهات ما يختلف على عمار كان في كونو عمار عندو القدرة باش يصادر و هو ما عندوش هذا رايي وانا مع حق كل إنسان وكل إتجاه باش يعبّر على مواقفو في حدود الأخلاق و الأدب و ما يعملش بوليس على آراء الآخرين

سمسوم
اتفق معك في انا ماكتبته هو شيء غير مقبول
حرية التعبير جزء لا يتجزأ
لكن فعليا لم اقصد انني متشفي او اعجبني الامر لكن مااخرجني عن طوعي ان مديرها هو حرمل وهو انسان منحملوش موش على قناعاتو ولا على اراء لا ابدا لكني ياسمسوم نمقت الترهدين والنفاق ومنحملهمش ،بصرف النظر عن كل توجه ديني او سياسي اذا كان خصمي (راجل )ومقتنع بمبادئ ومحافظ عليها فاني نحترمو وبشدة ولكن هذا انسان معارض ويؤمل انو يصلح الوضع يجيو يحجبلو جريدة متاعو وهو ساكت ماقال شيء؟ بالعكس فرحان ومسرور ومبتهج خاطر سماوه في مجلس المستشارين؟
تي موش عوج
كان ينجم يقول حتى كليمة بطريقة ديبلوماسية على شاكلة انو يعرف ان الامر غلطة غير مقصودة الخ
نعطيكزوز امثلة سمسوم باش تفهم شبيني حاد في ردودي
اول مثال
حملة التعاطف مع الاعوان متاع الاذاعة والتلفزة على الفايس بوك تختمت بمهزلة ،اذ بعد الفيديو الي تفرجت فيها وهو قاعديين يتعرضو للتهديد من الاطراف الكل (حكومة وحتى معارضة عملت ظغوطات عليهم باش يتكلمو باسم الحزب هذا موش الاخر وهكذا يعني مهتم بانو اسمك يخرج اكثر من انك مهتم بعدالة القضية وهذا شيء محزن ثانيا وبعد تدخل اعلى هرم سلطة وفض النزاع عملو تحديث لمجموعة فايس بوك وحطو تحية شكر و(تكبير) كيف عملتلهم تنبيه بانه يقال شكر و(إ)كبار حذفوني من المجموعة هههه وزيد كتبو انه نالهم (شرف) الانتماء للتلفزة بفضله توة معقول بعد عشرة سنين وانت في وضعية مزرية وتقلي شرف ؟؟؟ عملو هكة فسخوا المجموعة تماما من الفايس بوك يعني ولا حتى كلمة شكر للمساندين ولا حتى كلمة ختام ولا تعليلة ولا انزاد النبي شيء ؟؟؟ موش قلة احترام؟ تذكرت فيلم توم هانكس فيلادلفيا كيف قعد يجري مدة والناس تبع فيه بالدرابوات وكل واحد وقضيتو من بعد وقف ومشى روح على روحو قالوا واحد واحنا اش نعملو؟
مثال ثاني
اكيد انك سمعت بالعريضة متع الحوض المنجمي؟ حكى عليها براستوس ياخي عملتلو تعليق قتلو راو الفايدة موش في الكثرة ولكن لازم كانك مقتنع تصحح باسمك ولقبك وصفتك موش هكة العرائض سمسوم؟؟ بعدها فمة شكون حاطلي سنفور17 ومصحح(والله نحكي بالحق)؟ توة حديث هذا؟ علاش التفوريخ هكة والتمييع ؟ سنفور17 متظامن ههههه وعدة اسامي اخرى غريبة سي براستوس معجبوش حديثي وقالك كلامك متع واحد يلوج على الاخطاء(نبار) اش قولك سمسوم؟
اهوكة وضحتلك حالتي النفسية وقت كتابة التعليق باش مايقعش سؤء تاويل
امي هناني
معندك علاش تحلفني امى توحشت غشك :)))) تي وينك هككة تخلينا

ولادة
انا معاك انو تكميم الافوام عمرو ماكان حل وكيما وضحت لسمسوم موقف موش من الحجب كعملية لانو هذاكة راي فيه واضح وصريح
لكن موقف هو موقف الغاضب او الحائر مابين المطرقة والسندان لا حكومة كفئة ولا معارضة امينة وصادقة مع نفسها
الصبر وبرة ولادة كيف سيدي كي جوادو

Je comprends ta frustration 3amrouch.

اولا .. الاحتجاج على حجب المواقع و سحب الصحف و منعها .. و مصادرة الكتب و الاذاعات ..و تكميم الافواه.. مسألة مبدئية .... قد اكون لا اتفق مع الصحيفة الفلانية و الا توجّهها السياسي .. لكن وقت اللي يتسلّط عليها ظلم و مصادرة لحقّها القانوني ناقف معاها
انا ما نتفقش مع توجّه الطريق الجديد .. الا اني نعبّر على احتجاجي على توقيفهاو الا مصادرتها

من ناحية اخرى .. هي راهي الصياغة الفوندو الثمينة اللي حكيت عليها يا "سي" عمروش ، متكوّنه من برشة قطايع ، احدى هالقطايع هوما اوّل ناس هلّلوا تهليلا و كبّروا تكبيرا و ثمّنوا تثمينا و باركوا مباركة .. وعبّروا على ثقتهم الكبيرة في .............أوّل ما تألّق نجمه .. و هاذا موثّق .. و الملف راهو كبير برشة و حافل برشه .. سواء في الجامعة و الا على الصعيد النقابي و السياسي

نشوء النظريات و انحدارها (الشيوعية او غيرها...)ليس وليد اهوائك انت او انا ، يا عمروش ، و ماهوش وليد انهيار جدار في بلد معيّن ، و ماهوش وليد موجة متاع موضة (على قولك ديمودي).. و ماهوش وليد التهام الدود لجسد فرد حمل تلك النظرية او ادّعى ذلك .. الانبياء انفسهم .. التهمهم الدود..و منهم من التهمه الدود و هو بعد حيّ .. متّكئ على عصاه
ان تصبح النظريات "ديمودي" كما قلت ، وليد سيرورة التاريخ .. و وليد بُنى و علاقات اقتصادية و اجتماعية و ثقافية متشابكة و متفاعلة..مفرزة لانماط من التفكير و القراءات و الاطروحات و الحلول و البرامج .. التي هي في الاخير : "نظريات" .. حقيقة قد ما الواحد يحاول يأسس لممارسة ناضجة و عقلانية..ديمه يتصدم هالخطاب الاقصائي اللي يكيل بمكيالين .. انا واعي اشدّ الوعي يا عمروش بانّ لا علاقة للاسلام السياسي بالديمقراطية و لا بحرية التعبير ..و لا بقبول الاخر المختلف.. و هاذا ماهوش تحامل او تهكّم بل من داخل ادبياتك .. كنت من ساعة نتفرّج في محاضرة القاها شيخ من الشيوح (عبد الله النفيسي) في الجزيرة مباشر.. قالها بالحرف الواحد : لا ديمقراطية و لا حرية تعبير و لا رأي اذا ما تعلّق الامر بالاسلام
.. و ليقولوا تكفيري .. نعم انا تكفيري.. و عطى 3 و الا 4 شواهد على كلامو من الكتاب المقدّس
من هنا بالضبط اعتقد انّو عدم وجود اجماع على حق الاسلاميين في الممارسة السياسية و الحزبية .. عندو ما يبرّرو ..

بلعط إنها تونس، هاو عندي مثل أخر:

في الأيامات الأخيرة كثر الحديث على أربيص و ما أربيص (Airbus) . و كيفاش مش تجي إلى تونس باش تخدّم طاقاتنا و أصحاب الشهائد العليا متاعنا. و أول من حكى على الموضوع هذا في مدونة تكلم إنها تونس هو زياد.

باهي، مرحبا بأربيص. لكن أنا نتذكر أنو في زيارتو الأخيرة لتونس، نيكولا ساركوزي، قال إلّي أنتوما عندكم اليد العاملة و أحنا عندنا الذكاء، و الدماغات، و الكليات. يعني ما حاجتنا كان باليد العاملة متاعكم، ما حاجتناش بمخاخكم الفارغة.

و نتذكر أنو العديد من المدونين التوانسة، حكاو على التصريح هذا و صارت بوليميك. و فيهم شكون كان موقفو ضد تصريح زاركوزي، خاصة و أنو تصريح ساركوزي فيه شويّة محقرانية، و زيد لحكاية صارت في قصر قرطاج و قدّام القزورديين. و فيهم زادة شكون ساندو. و أنا نتذكر أنو زياد ساند كلام زاركوزي، و قال إنو ساركوزي قال الحقيقة و هذاكا الواقع. و أنا زادة قلت نفس الشئ، خاطر هاذيكة هي الحقيقة حسب رأيي.

في الأيامات الأخيرة، القزورديين بداو يعملو في الدعايات للمشروع متاع أربيص. و تكلمو على عكس زاركوزي، و قالو أربيص جاية باش تخّدم أصحاب الشهائد العليا، و طامعة في الدماغات متاع تونس، و هذا بالطبيعة نتيجة مباشرة لسيا سات القزورديين و قيادتهم الحكيمة.

و نفسو زياد، كتب في المدونة هاذي، و تكلّم كيما القزورديين. يعني وقتلي زاركوزي يتكلم أنا موافقو. و من بعد وقتلي القزورديين يتكلمو باش يقولو عكس كلام زاركوزي، أنا مواقفهم زادة، و نزيد نعاونهم في البروباغوند و الدعايات متاعهم!!!

yurtdışı kargo
resimli magnet
instagram takipçi satın al
yurtdışı kargo
sms onay
dijital kartvizit
dijital kartvizit
https://nobetci-eczane.org/
DGQYP