skip to main |
skip to sidebar
|
السبت، جانفي 24، 2009
|
|
بون تومدة و انا نحاول نكتب حويجة و منجمش خاصة و انو الكلمات باتت عاجزة عن وصف مايحصل و السمو الى مرتبة الحدث
اليوم ومن بعد موفات مجزرة غزة و تم اصدار قرار و قف اطلاق النار و الي كان بالنسبة ليا اروع خبر سمعتو هذا العام على خاطر لو انو العمليات في غزة استمرت اكثر نأكدلكم الي ناس الكل نمشيو لطبة و البعض يحبسوه في منوبة من هل المجازر والقدرة التدميرية متع الة القتل الصهيونية فضاء تونزي بلوغ تفاعل مع احداث غزة و كالعادة كانت ثمة زوز اطراف طرف اول يحمل اسرائيل المسؤولية ويصور انو العملية على غزة هيا مؤامرة قصد تصفية القضية بالكامل بعد مابان بالكاشف تمسك الفلسطنين بثةوابت القضية من حق عودة ....و اعلان القدس عاصمة فلسطين.الى عودة الصهاينة الى حدود 67واعلان قيام الدولة الفلسطنية وطرف ثاني الي صور العملية على انها مجرد هجوم عادي لدولة من حقها انها تحمي نفسها من صواريخ فصيل اسلامي متطرف ومحاولة اخراج الصراع من اطارو العام ووضعو في اطار خاص وتصوير العملية الي صارت على انها عملية بين حماس و اسرائيل بين قطبين لصناعة لكن موش هذا الي يهم الي يهمني بالضبط و الي لاحظتو سواءا كان الموضوع غزة اوغيرو هو انو ثمة بعض العناصر تسعى جاهدة و بصفة ملفة لنظر الى تأجيج نار الفرقة بين المدونين و تشليك تونزي بلوغ و كالعادة اخراج الصراع على انو صراع عقائدي و نعرفو الناس الكل انو هذي هيا افضل طريقة انك تفرق بيها للانو مسألة الدين من 14قرن الى اليوم مرساتش على بر وهذا الي خلاني نرجع لمدة ماضية قرابة عام و اشهر ملي اكتشفت الفضاء هذا و الي اليوم بلحق لزمنا نلقاو طريقة نحيوه بيها للانو و للاسف قاعد يحتضر و معاتشيسمى للمرتبة الحدث عاد قلتلكم اول ما اكتشفت الفضاء هذا كانو فيه مسلمين وملحدين و داخلين في حيط يعني الحكاية مهاش جديدة و مهاش وليدة اللحظة وكانت تنشب بينهم صراعات و يدنى المستوى و تحضر جميع انواع المقذوفات لكن الصراعات هاذي كانت خلاقة وتولد ازمات عبور ونضج موش كيما الازمة الحالية الي تتسمبأنها ازمة عاقر هذا اولا من خلال اسكاتها لبعض الاقلام الي كانت تقدم الاضافة وثانيا من حيث طولها و امتدادها وهذايا افرز عدة نتائج مضرة اولا كيما سبق وقلت اختفاء عدة مدونات باختلاف ايديولوجيتها وانتمائتها الفكرية و العقائدية انصراف العديد من المدونات عن الشأن العام والمدونات الي تحكي في الشأن العام اشبه بالمدونات الي تغرد خارج السرب نوع من الهوة بين المدونات الى جانب مواقف المدونين من بعضهم خلق فراغ و هو الي حل باب اما م البعض و خلاهم يتسربو لتونزي بلوغ لفرض اجندة معينة و الي زاد تعميق الازمة هو ما الصحافين الي جاو متحضرين بأجندا الهدف منها استقطاب هذا الفضاء المهمش و التركز عليه لتمرير اهدافهم و الامثلة كثيرة في الوقت الي نساو فيه انو الناس هنا ناس مستقلة معندهاش اهداف سياسية ولاهي لا معارضة لاموالاة فقط ناس هنا جات بهاجس الشوق لحرية التعبير ومن اجل تونس افضل اخوتي المدونين العلمانيون منكم و المسلمون و الذين لايعنيهم ما اقول ان هذا الفضاء هو قدرنا وهو وطننا الافتراضي يجمعنا لهدف واحد فلما لانترك ما لا يفيدنا الى مايفيدنا وانا ادعوكم جميعا كما ادعو نفسي الى وقفة مسؤولة للاجل انقاذ مايمكن انقاذه في هذا الفضاء بما يراه كل منا صالحا |
|
عن:titof
على الساعة
17:08
التسميات:
|
|
لا توجد أية تعليقات لحد الآن
|
|
|
الاشتراك في:
تعليقات الرسالة (Atom)
|
|
للإتــصـال
|
|
يا مرحبا بزوارنا
|
|
|