ايام قليلة تفصلنا عن ذكرى عيد الاستقلال والتي ربما لا تعني عند الجيل الجديد اكثر من كونه يوم عطلة وراحة وربما عند البعض ايضا فرصة لعطلة اخر اسبوع مطولة
وددت اليوم التقدم ببعض الاقترحات بمناسبة هذه الذكرى لعل وعسى
*ياحبذا لو وقع إصدار عفو تشريعي عام بمناسبة الذكرى 53 للإستقلال وطي صفحة الماضي وإفراغ السجون وتحقيق المصالحة الوطنية
*التفكير في حذف إمتحانات الكاباس فالاعتراف بالخطا فضيلة والتمادي فيه مظلمة ويكفينا من تفريخ فئران التجارب والمحاولت المستمرة لاصلاح التعليم دون استشارة اهل الاختصاص فتونس تعج باصحاب الكفاءأت الذين لا يطلبون اكثر من فرصة
*إلغاء المراقبة الأمنية: على المنازل و الأشخاص واضاعة الوقت للتضييق على ناس حوكموا ونالو جزائهم وقضوا دينهم مع المجتمع والاولى تكريس الجهود للحد من انتشار الجريمة والسرقة بتكثيف الدوريات ولما لا العمل كفرنسا مثلا باحداث فرق من العاطلين عن العمل(ليسو بشرطة) ولكن مهمتهم التوعية والنصح فيجبون بعض الازقة وتكون مهمتهم توعوية اكثر من ردعية فوجودهم يعطي الاحساس بالامان ويقلل من الاعتداءت
*الترفيع في منحة الطلبة فلا يعقل ان تظل على حالها منذ سنين وهو شيء مخجل ان يضطر الطالب للتديين والاقتراض في 2009 وهو يمثل نواة المستقبل وكان على الفلوس يقع مثلا الاستغناء عن الفنانين الاجانب في مهرجان قرطاج مثلا والا قتصار على المنتوج المحلي والفائض وهو هام وهام جدا يوزع على الطلبة او تنظم لهم رحلات ترفيهية فلا يعقل ان طالبا يتم تعليمه وهو لم يسافر قط في حياته ولم يتعرف على طلبة اخرين هناك برنامج اوربي مثلا لتبادل الطلبة يمكن الطالب في سنته الاخيرة من اكمال عامه في جامعة اي بلد اوربي يختاره بمعنى يندمج في بلد اخر ولغة اخرى ويتكون له زاد معرفي وعندنا الطالب حدو حد الجامعة والقهوة وديوان الخدمات الجامعية؟ علاش منفكروش في برنامج تؤامة؟
سمعت ايضا ان هناك مساعي لتدخل من اعلى هرم السلطة لحل مشكلة الحوض المنجمي ورفع المظالم والغاء الاحكام بالسجن ،ارجو ان يتحقق ذلك
*طلب اخر وهو رد الاعتبار للسيد القدير "المنصف بن سالم" وتكريمه ورفع عنه كل تضييق ولمن لا يعرف السيد بن سالم اقول له بانه أحد كبار الوجوه العلمية التونسية حاصل على دكتوراه دولة في الرياضيات من أكاديمية العلوم بباريس ودكتوراه دولة في الفيزياء ودبلوم في الهندسة الآلية برتبة مشرف جدا وأستاذ مشارك في المركز الدولي للفيزياء النظرية وعضو الوكالة الدولية للطاقة الذرية ومقرر بالمركزية الدولية للرياضيات ببرلين وعضو إتحاد الجامعات الناطقة كليا أو جزئيا باللغة الفرنسية وعضو المركز القومي للبحث العلمي في فرنسا وعضو إتحاد الفيزيائيين والرياضيين العرب ونائب رئيس مؤتمره الرابع وعضو اللجنة الوطنية للبحوث العلمية في تونس وأستاذ الرياضيات والفيزياء بكلية العلوم والهندسة بمدينة صفاقس ومعهد الرسكلة والتكوين المستمر بتونس وهو يعيش اليوم في تونس في أسوإ حال في ظروف صحية ومعيشية قاسية فهو خاضع للرقابة الإدارية منذ سنة 1993 وممنوع من العمل برغم بلائه العلمي المشرف وكفاءته النادرة وهو يعاني من أمراض عديدة ومحروم من أي مصدر للرزق وبعض التبرعات التي ترسلها له جمعيات علمية أو أصدقاء تقوم السلطة بالإستيلاء عليها بدون مبرر ؟؟؟؟؟
*رد الاعتبار للسيد القدير السيد صادق شورووالافراج الفوري عنه في الجلسة الاستئنافية التي خصصت ليوم السبت 14 مارس ولمن لا يعرف السيد صادق شورو هو حاصل على دكتوراه في الكمياء من كليه العلوم بتونس، وعمل مدرسا بكلية الطب الى ان تم اعتقاله وقضى مايقارب 18 سنة وحين افرج عنه اعيد ثانية
*كف الاذى عن شيخ الحقوقيين التونسيين السيد علي بن سالم (عم علي كما يناديه الجميع تقديرا لسنه) يعاني المراقبة الإدارية المستمرة ويحرم من حقه في التنقل وفي حيازة الوثائق الرسمية مثل جواز السفر وغيره وهو أيضاً محروم من حقه في جراية التقاعد ومن حقه في التغطية الإجتماعية والتداوي .
*التخلي عن برامج ضلفة هندي في القناة الوطنية ورد لها الاعتبار كواجهة عالمية لتونس وكان لزم نخليوهم يعمل قناة رابعة خاصة بيهم يسميوها ظلفة تي في ويعملو فيها الي يحبو موش مشكل تقعد بيناتنا(فلسة المحول) امى يسيبولنا قناتنا الوطنية
*احداث فرقة عمل واشغال لجرد نسبة الحارقين والمقبوض عليهم في عواصم اجنبية ومحاولة التدخل لمساعدتهم ولما لا التخلي عن تجريم من يرحل وحبسه بل التفكير في مساعدته على الاندماج
* رد الاعتبار كما ينبغي ليوم 20 مارس واعطائه حقه
*اخر طلب
اقالة اسوء وزير تربية عرفته تونس ليعين بعدها سفيرا لتونس دونما محاسبة امر غير مقبول
اختم ببعض الاسئلة المشروعة
:
ما هو الطريق الذي نسلكه لكي ندفع المسئولين أن يقوموا بدورهم ؟
ما هو الطريق الذي نسلكه لكي نبلغ مسئول ما أننا نرفضه؟
ما هو الطريق الذي نسلكه لكي نحاسب مسئول على تقصير

عن:3amrouch على الساعة 08:04

التسميات:

هل هذه مدوّنة جماعية تونسية أم لسان حال حركة النهضة المحضورة ؟

هل يوجد أصلا دكتور حاصل على دكتوراه بأقل من درجة مشرّف ؟؟ هل يوجد دكتور متوسط؟ لا طبعا ثم حكاية الدرجة العلمية و الشهادات الأكاديمية لا تعني أنه لم يكن قياديا في حركة ارهابية مارست العنف و أن المراقبة الإدلرية جزء من الحكم


هل كل مطالب التونسيين في عيد الاستقلال هي السماح لحركة النهضة الطالبانية بممارسة أنشطتها بكل حرية في تونس لأن أوان حصاد الأسلمة القادمة من الشرق قد آن ؟ مع تسريب مجرد تلميح بخصوص شركة كاكتوس ؟


هل انحصر خيارنا في تونس بين كاكتوس و الزيتونة أو قنواة الناس و اقرأ و المجد و غيرها ؟؟؟؟

هنيئا لحكومتنا إذا لعبتها المتقنة


فعلا الحرية و الديمقراطية و حقوق الإنسان و المساواة و المواطنة مؤامرة صهيونية غربية مكتوبة في بروتوكولات حكماء صهيون و ينفذها طابور خامس من العملاء الخونة الكفار ..

فعلا يا لمستوى وعي و رقي مطالب التونسيين في عيد الاستقلال

قد علمنا أن الله أعطاكم توكيلا حصريا لتمثيله على الأرض، لا اعتراض، فمتى أعطاكم الشعب التونسي توكيله ؟؟؟ يبدوا أني كنت غائبا وقتها.

c du n'importe quoi

أزال أحد مشرفي المدونة هذا التعليق.

3amrouch
هل هذا هو الرد ؟شلاكة؟ وغدوة كيف تشدو الحكم زعمة شنوة؟ أنا نقلك: الرجم و قطع الرؤوس

أجيبوني قبل أن تشتموني , هل هذه مطالبنا ؟ طيب سؤال بريئ : هل للقرضاوي أسهم في بنك الزيتونة ؟
http://exmouslem.blogspot.com/2009/03/blog-post_13.html

الآن اشتموا و افعصوا العملاء و القمل

و مبروك الحصان

تحب نجاوبك فسخ الثلاث التعاليق السابقة متاعك وخاصة متع لكلام الفاسد
عيب
الناس الكل تتعدى من هونى

انت تعلم أني لا أعلق باسم مجهول و لا أحتاج كلاما زائدا ، حين أقل أدبي أقله شعرا و باسمي الذي لا ملك غيره.

لا يا سي عمروش التعاليق صاحبهم ماهوش واحد و التعليق الثالث ماهوش كلام زايد باش يتفسخ ..وإلا الكلام إلي يوجع هو عندك كلام زايد؟

وين تشوف لكلام الي يوجع في التعليق الثالث؟
سئلت سؤال واضح وذلك حقك
منراش فيه حتى اساءة
لك الحق ان تفكر كما تشاء
ولعلمك يقال الرجم و قطع اليد ههههه هكة اصح (اهوكة باش كيف تقولها مرة اخرى ما يضحكوش عليك)
على كل كان قريتو كان اقتراح الافراج على السيد شورو من النص هذا الكل فيا خيبة المسعى خاطركم تشدو كان في القشور وتؤلوها
لن اقول خسارة

كي سيدي كي جوادو

كيف سيدي كيف جوادو كيف حمادي

توا بالله لازم كل حاجة تتقلب عيطة وشهود؟؟ علاه كل حوار يتقلب تطرف اسلامي و هات ماكا اللاوي؟ توا عمروش اقترح برشا حاجات، فيها المعقول و فيها الـطوبيقي، كيما العفو.
و مهما يكون تطرف ها السادة في رايهم، يظهرلي مظلمة كبيرة انو ينغصو عليهم حياتهم عشرات السنين. الاقتراحات مش عاجبتكم؟ ايه سيدي، اقترحو البديل ولا ركزو ع المعقول منها. يزينا م الحوارات متع الهدم و النقد لاجل النقد.

يا بنت عايلة الناس الي تحكي عليهم حطوا قنابل في نزل و حرقوا ناس حية و رماو عليهم ماء فرق،

انت يمكن صغيرة و ماعشتش الفترة هاذيكا أما تطرفهم و عنفهم تلقاه حتى في ردود من نوع نجيب شلاكة

نجيب شلاكة !!!!

زعمة ما استوقفتكش الكلمة هاذيكا كرد على تساؤل مشروع ؟

ولا تغزر للوجوه و تفرق اللحم ماو قلنا خليو صحبتكم و عقلية القبيلة لبره من الحوارات و كونو موضوعيين موش انصر أخاك ظالما أو مظلوما

اقتراحات يا بنت عايلة ؟

معقول

اما من حقي كقارئ نتسائل خصوصا المدونة تتكلم باسم تونس موش حركة النهضة

حاجة أخرى : الغاء الكاباس : هذا اسمه مرض تونسي قديم و هو التواكل و رزق البيليك و مسمار في حيط و الناس الكل تحب تولي اساتذة تخدم عشرة سوايع و ترتاح اربعة شهر ، تي هو بالمناظرة - شيئ طبيعي لأي وضيفة و لأن الوضائف عددها محدود - هانا نراو في مستوى التعليم و الاساتذة و مستواهم ، جيل كامل تهلك و طاح للتطرف شوف حتى المدونات , واحد كيما مجاري ما استوقفكش ؟؟

عقلية تخلي واحد يتخرج و يوصل للاربعين يستنى في الكاباس ، يا نخدم استاذ يا لا وكاينه حق ... هاو موضوع آخر موش سياسي يتم استعماله سياسويا ...

يا بنت عايلة اجيبوني قبل ان تشتموني

@ bent 3ayla
زعمة لوكان صبوه عليك الماء فرق يبقى موقفك هو بيدو؟
@عاشور
ما نيش موافقك في حكاية الكباس ..الناس إلي "نجحت" في الكباس ماهيش هي الناس إلي تستهل بالعكس تماما..ومانيش باش نقولك سر كيف نقولك إلي فمة شكون طلبو منو 5 ملايين باش ينجح وهذي حاجات يعرفها القاصي والداني

فمة واحد مسيحي حب يدخل في الدين الاسلامي قالولو لازمك نطهرولك ونقصوهالك قاللهوم: ميساليش ..طهرولو وشهد ودخل في الدين بعد 6 شهر السيد ما ظهرلوش وحب يرجع مسيحي .قالولو : اه...لهنا تولي مرتد ولازم نقصولك راسك ..
قالهم شنوة ها الدين هذا ؟إلي داخل تقصولو والي خارج تقصولو.. ههههه

عاشور
مانيش باش نجاوبك على مضمون النصّ ، إلّي كتبه أولى بذلك

في المقابل باش نناقشك في مسألتين
توّة ولّيت مع مناظرة الكاباس؟؟؟ و الوظائف محدودة ؟
موقف غريب
" النّاس الكلّ تحبّ تولّي أساتذة تخدم عشرة سوايع و ترتاح أربعة أشهرة ...هانا نشوفو في مستوى الأساتذة" هذا موقفك من التعليم ؟؟؟
أيا مالا سيدي شدّ عندك ، الأساتذة هوما أكثر ناس كلات العصا في البلاد هذه المسيرات أساتذة و المظاهرات أساتذة و المضربين على الطّعام لمطالب نقابيّة أساتذة و أنصار الحداثة أساتذة و وقت الّي النّاس الكلّ حكّ راسك و هجّ للخارج الأستاذ قاعد يخدم في البلاد هذه و يخلص أقلّ من أيّ متخرّج قرا قدّه و قاعد ينشط رغم المضايقات ، و البلوغسفار تتشرّف أنّه يكتبو فيها الأساتذة و يكتبو بصفتهم ماهم مخبّين شيء

أمّا تلميحاتك فيما يخصّ المدوّنة الجماعيّة أنّها تتكلّم باسم حركة النّهضة شبيك ما قلتش الكلام هذا وقت الّي كتب فيها العلماني و اليساري و الإلحادي وقتها باهي ؟ لا يا سيّد المدوّنة هذه مفتوحة للجميع الكلمة فيها للفكرة الناضجة و الحوار الهادئ ما هي بوق دعاية لحتّى حدّ . شخصيّا كنت ننتظر تدخّلك لإثرا الحوار في برشة تدوينات جيّدة تكتبت قبل ، علاش ما علّقت كان على تدوينة اليوم ؟ أنت أدرى

2009 01:12 م غير معرف

من غير ما تقول لي نعرف الي ثمة فساد و محسوبية و رشوة كيف السوس ينخر في البلاد الكل موش كان الكاباس ،

أنا تكلمت على عقلية مسمار في حيط و على مبدأ المناظرة موش على التجاوزات

مانيش قزوردي راني

أما كل حاجة في بلاصتها

موش خاطر البلاد خامجة نزيدو نخمجوها

أو النظام بوليسي مستبد نسيبو اللعب للفاشية الدينية لأنها باش تكون أكثر فساد و استبداد وقتها الكاباس تتعوض بالمشيان للجامع و حضور حلقات الدرس

تخيل احنا في 2009 و مازلنا نناقشوا في نظرية التطور و بول الانثى نجس

إلى البوليس عاشور الناجي/عماد حبيب:

مطلب العفو التشريعي العام مطلب مطروح في تونس منذ التسعينات من قبل العديد من القوى السياسية التونسية بما في ذلك قوى علمانية و ليبرالية. و هو كذلك مطلب مطروح من قبل منظمات حقوقية دولية. تقول "ألم يكن قياديا في حركة ارهابية مارست العنف و أن المراقبة الإدلرية جزء من الحكم " (المقصود بذلك الدكتور منصف بن سالم و هو دكتور مشهود له بالجودة العلمية من قبل منابر علمية دولية في اختصاص الرياضيات.. من تكون لكي تحكم على صفاته العلمية؟). و هذا المنطق الذي خصصت به الدكتور بن سالم ينسحب طبعا على بقية مساجين حركة النهضة ("المحظورة" بمنطق معاييركم البوليسية و كم من "محظور" في تونس). و هو نفس المنطق البوليسي الذي يتم به تبرير قضية "النهضة". العديد من المنظمات الحقوقية الدولية فندت الأسس التي تمت عليها محاكمة و تجريم حركة النهضة كحركة (و ليس كأشخاص) على أساس أن المحاكمات كانت مسيسة و لم يتحصل المتهمون على محاكمات عادلة فضلا عن التعذيب الذي تعرضو له. العديد من القوى السياسية التونسية التي شارك محامون منتدبون عنها في محاكمات "النهضة" (المستمرة) و التي أمضت على مطلب العفو التشريعي العام أصبحت تشكك كذلك و برغم خلافاتها مع النهضة في أسس هذه المحاكمات خاصة أن بعض هذه القوى تعرض لنفس أسلوب المحاكمات الجائرة التي تعرضت إليها النهضة. ينطبق ذلك أيضا على أسلوب "المراقبة الادارية" المتبع بشكل روتيني و اعتباطي و مذل لعدد طويل من السنين و الذي يناهض أبسط الحقوق الأساسية للمساجين السابقين و ذلك أيضا بشهادة كل المنظمات الحقوقية الدولية التي تعرضت للوضع في تونس.

هناك منطقان في هذا الموضوع: منطق بوليسي و هو طرح السلطة للموضوع (الذي تبنيته في تعليقك أعلاه) و منطق حقوقي تتبناه معظم القوى السياسية المستقلة عن السلطة (بما في ذلك القوى التي تناهض حركة "النهضة" مثل "حركة التجديد" و بقية القوى التقدمية و التي تدعم مطلب العفو التشريعي العام).

ولاّدة

اقرى ردي الثاني بخصوص الكاباس فيه توضيح ، و أنا ما عممتش عالاساتذة الكل لكن مصر أن الاساتذة عندهم الدور الأكبر و النصيب الأكبر من المسؤولية في مستوى الجيل الصاعد ،

بربي 99% من المدونات تكتب بفرنسية مكسرة كرايمها ، العربية نسمعوا بيها سمعان ، و الأفكار يرحم الله ، حتى وصلت كل مرأة -موش امرأة - لا تلبس الحجاب تمارس التحرش و تحبني نقول لك العام صابة ؟؟؟

تسال أنا علاش ما علقت كان هنا ؟

لأن الموضوع سياسي و يهم خطر يهدد تونس ،

ممكن أنا نسالك سؤال ، علاش انت ما علقتش على نجيب لك الشلاكة ؟ حريةتعبير موش شتيمة شخصية ؟؟؟ انا زالت سالت سؤال و ممكن تفسخوا أو تقول لي يا عاشور راك غالط ،

افصلوا بين العلاقات الشخصية و ادارتك للمدونة و بين موقفك من الافكار ، و كان ثمة نص آخر هنا هبط بلسان حال حزب آخر قل لي، أنا فعلا ما قريتوش ، و زيد تعرف لا طلبت حذف النص و لا شيئ ، سالت سؤال ، لها الدرجة مجرد سؤال مزعج و هذا ردكم ؟؟؟

و تحبني ما نقوش زايد

:)))

إذا تتصورو ان الجبان الغير معرف الي يتهم فيا اني بوليس أو أني مدون آخر باش يسكتني أو يمنعني من الكلام راكم غالطين ا

ذا الي يعطي رايه في هاالمدونة يصير فيه هكا فهذه مدونة تعطي صورة مخجلة على تونس

ولادة فسخ السبان يعيشك احترام لنفسك قبل كل شيئ

مرة أخرى إلى البوليس عاشور الناجي/عماد حبيب:

الجبن هو التخفي وراء أسماء مستعارة و الاصرار على أنها صفات لأشخاص مختلفين. فضحك من قبل بعض المدونين أربكك. تجنبت مواجهة محتوى التعليق: أليس هذا جبنا أيضا؟

هناك منطقان في التعرض لموضوع العفو التشريعي العام: منطق بوليسي و منطق الأطراف الحقوقية و السياسية المستقلة. اخترت المنطق البوليسي. هذا كل ما في الأمر.

السيدة المحترمة ولادة أشد على يديك من موقعي كزميل في التعليم في ربوع هذا الوطن

مع أني لا أريد العودة لهذا الموضوع الممل لكن من ادعى اني عماد حبيب و بلا دليل هو نفسه من هرب بهذه التهمة السخيفة من مواجهة دليل قاطع نشرته أنا أنه يكتب باسم مدونة انثى

و اصرارك انت على كلمة بوليس و على تسميتي باسم آخر مثال سيئ على مستوى بعض الاساتذة و ليس كلهم،

حين تخاطب عاشور الناجي و يكون لك اسم معرف و بدون اهانة و تهم سخيفة بلادليل سأجيبك على مسالة العفو التي أناأصلا لم أتناولها في ردي و أصلا هم جميعا خارج السجن

أيضا إلى البوليس عاشور الناجي/عماد حبيب:

"العفو التشريعي العام" (و ليس "العفو") لا يتعلق بالمساجين فقط بل أيضا بالمساجين السابقين لأنه يعني إرجاع حقوق أساسية في المواطنة (العمل، جواز السفر، التداوي، حرية الحركة...).

من الواضح أنك لا تدرك حتى بعض الأساسيات في موضوع سياسي شائك من هذا النوع و برغم ذلك تغامر بالادلاء بالرأي فيه. أليس ذلك مجرد إِشارة على مستواك المعرفي الفقير التي أشار إليها مدونون آخرون؟

صاحب النص أعلا ه كتب بالحرف الواحد أن الحرية و الديمقراطية و حقوق الانسان مؤامرة من مؤامرات بروتوكولات حكماء صهيون و هو موش حالة خاصة و هو أرحم من غيره من جماعة النهضة و الي يوميا يعيطوتونس تحارب في الله و رسوله و يحرضوا عليها في الارهابيين ، هاو المواضيع الي يلزم منها موقف واضح موش تشقشيق الحناك و الا منطق يا شلاكة و يا بوليس

تشاو

أغامر ؟؟؟

لا تو ناخذ الاذن منك ، على فكرة عرفتك شكون و عيب تتخبى أو تحكم على موقف أنا أصلا ما حكيتش عليه

re تشاو

أيضا إلى البوليس عاشور الناجي/عماد حبيب:

المغامرة لا تحتاج تصريحا من أحد. هي قرار شخصي. و لذا يجب أن تتحمل مسؤوليته و لا أن تهرب من مواقفك (مثلا بأن تقر بأنك لا تفهم أصلا معنى "العفو التشريعي العام" فما بالك في النقاش في الموضوع)

مرة أخرى تكذب. لا يمكن أن تعرفني بشكل شخصي.

تشاو إلي غير رجعة. فالهروب هو جواب الضعيف.

يا جماعة الخير، انا مابيني و بين عمروش كان الصلا ع النبي، لا قبيلة لا هم يحزنون، و مانيش قاعدة نبرر ف التطرف، بجميع انواعو. و مش لازم نوصل للماءفرق بش يتبدل رايي، خاطر م الاول مانيش م المدافعين ع النهضة ولا على اي تيار يستعمل العنف و الالزام في فرض فكرو.
اما لكل مقام مقال، و انتوما تبارك الله عليكم لا واحد فيكم راس مربط و يفك ف الخط. و لذلك كي نحكيو على اقتراحات بمناسبة الاستقلال مش لازم النزاعات اللي بنيناتكم تطغى و تاقفو شوكة في حلق اللي يتكلم.
مثلا كي عاشور يناقش حكاية الكاباس هكا نعطيك وذني. نقلك ايه ماصاب لو عنا البديل. انا موافقتك اللي الاعتماد ع الدولة ماهوش حل. لكن ف الدول الاخرى فما المبادرة الخاصة و فما الاستثمار الخاص. احنا في تونس كعبتين اللي ينجمو يحلو معامل ولا شركات كبيرة بش تستوعب ها المتخرجين، ماعناش بنية تحتية استثمارية. اللي يشيخ يحط فليساتو في قبر الحياة و يتكا. و لذلك ف ها الفترة، كيما الدولة قاعدة تعمل ف التشجيعات و تتنازل ع الاداءات، من واجبها استيعاب ها المتخرجين بش تتشرب التشحن الاجتماعي.

بنت عائلة
مااوسع بالك ومااكثر صبرك
توة تجاوب فيهم وتبرر في موقفك
هكة توة
وليت مطلوبة ؟
شوف تبارك الله 28 تعليق ولا واحد في صلب الموضوع؟
ولاواحد قالك هاك الحاجة نحيها ولاخرى زيدها؟
كان التنبير وتمييع للقضية هههه
ملاحظة
فكرة العفو علاش تقول انها طوباوية ؟؟
متجيش؟
منعفوش عليهم؟
تعرف الي فمة ناس شدت ومازلت شادة الحبس في قالب غلطة ولا صبة متع شماتة ؟
فد من جارو مشى صب بيه؟
هذاكوه اش نعملولهم ؟ بهيم وقدم قرعة؟ عضهم البهيم؟

طبعا انا مع العفو التّشريعي الشّامل لكلّ المساجين الحاليين و السّابقين هذا بديهي جدّا و مافيه حتّي ادني شك لاي انسان ديمقراطي و انا تمشي ابعد و نقول لو المعلّم يبطّل من 2009 ندخّلوه في العفو زادا

اما هذا ما يمنعش انو الواحد يكون ضدّ انو الحكم يكون في ايدي حزب ديني مشروعه غير ديمقراطي والله غالب عاشور باقي انفعالي و ماينجّمش يشدّ روحو ههه

ندخلوه ياسمسوم راو قلوبنا كبيرة غير يفك برك