م اللي أنا صغيرة، نكره كرة القدم كره شديد، نكرهها في الدم... تفكرني في هاكا الأحد العشية، و انتي تبدى تخدم في دروسك، و أولاد العمات يبداو مقجقجين ع الرديون يسمعوا في المنجي النصري...اهوكة من وقتنها بدينا نحسوا في عقدة الميز الجنسي...

الله غالب نكرهها في الدم...

خاطر كل ما فمة ماتش ودّي، و إلا وطني، و إلا قومي، و إلا عالمي، أنا نخاف م الصياح اللي يبدى قبب... و ريحة الدخان اللي تبدى تعجعج من بيت القعاد...

نكره كورة القدم، خاطر ولّينا بيها ساحلي و و صفاقسي...و في جرتها اتقسمنا، حوم و بطاحي، و زناقي، و ولينا ألوان ألوان

هذا بلون الذهب، و لاخر بقلاوة الباي، و واحد في لون الدم، و واحد لون الجبل

نكره كرة القدم، خاطر خويا و ولد عمّي يعدّيوا جمعة كاملة وخيّان، أصحاب أحباب، و نهار الأحد لازم يتعاركوا

نكره الكورة، خاطر جرّتها البلاد تقسمت ثلث أحمر و ثلث أبيض و ثلث أصفر... هذا بعد ما صار التبرّع بسوسة لأفغانستان

نكره كورة القدم، خاطر جرتها هي، سوسة ولات دولة مستقلة، دينها الإسلام و لغتها آني يحباني

فهمتو توه علاش انا نكره كورة القدم؟؟

عن:L'AsNumberOne على الساعة 10:37

التسميات:

يعني ختمتها بالتمنييك على السواحلية:) ياخي ما تخافش؟ تعرفها غناية ساحلي شرّاب الزيت، ...
:))

مانيش نتمنيك.... اما الكلام هذاكة بالحق قاعدين يكتبو فيه (جماعة سواحليّة) على البروفيل متاعهم في فايس بوك

ماني ناسي الافريقي في عينيا

يحباني كلمة سوسية مشي ساحلية و ماتتقالش في غير سوسة شكونو هلي علمهالك

هو الحق، من بعد مشروع مطار هرقلة زاد كثر كره السواحلية. يعني شبيه كل شئ في الساحل؟ و شبيه المسؤولين الكبار في الدولة أغلبيتهم من الساحل؟

شبيه الدولة ديما تبشبش بالترجّي الرياضي التونسي؟

فيما يخص الصفاقسية، عندهم زادة العقلية متاع اللوبيين. الصفاقسية ما يتعاملو كان مع الصفاقسية، خاصة الصفاقسية إلّي عندهم شركات و أعمال في تونس. ما يبيع كان لصفاقسي، ما يشري كان من عند صفاقسي، و ما يخدّم كان الصفاقسي، كيما شركة بولينة مثلا. البحيرة أغلبيتها صفاقسية، تقول الأخرين ماعندهمش فلوس باش يكسبوا و يسكنو في البحيرة.

يعني فمّا تصرفات قاعدة تنمّي في الجهويات و العقلية الجهوية. يلزمنا نواجهو التصرّفات هاذي كان نحبو أنّو العقلية الجهوية تنقص.

نمبر وان: و في فيس بووك ريت كان السواحلية الي كاتبين هكك؟
ما عملتش طلة عل لي قروب المحلولين باش يسبوا السواحلية !!!
مللول عجبني الي كتبتو بورتن انا ياسر مغرومة بالكورة لن فينالمن انت طحت في نفس الشئ اللي يعملوا فيه اللي كريتيكتهم !!!

غير معرّف

كلّنا توانسة و ما نتصوّرش اللصّ نمبر وان تقصد حاجة فيها بُعد جهوي أنّي نعرفها شخصيّا أبعد ما تكون عن مثل هالأحكام السطحيّة .
في الحقيقة أنا ما نحبّ الكرة كان كي يلعب الفريق الوطني على الدرابُّو

أيا وسّع بالك و مرحبا بيك في المدوّنة الجماعيّة

المشكل موش في الكورة نحنا مغرومين بتقسيم رواحنا بكل ما اوتينا من معايير و من غير ما نذكر امثلة على خاطرنا نتقسْمو و نتصنفو حسب كل ماهو موجود في حياتنا اليومية...

نكره كرة القدم و اللي نكرهو اكثر هو التبريرات و محاولة انّي انفسّر شنوّه نقصد وشنوّة اللي و الله لا ما قصدتش
اخواني الاعزّاء الغير معرفين... و اللي ماكمش ناويين تعرفو اللي كيف تقرا نص ماذابيك تقراه كامل وما تاقفش في ويل للمصلّين... جيتو في كلمة ساحلي و كبّشتو... شبيها كلمة صفاقسي؟؟ ما عجبتكمش؟؟
ما شفتوش الجملة:"نكره كرة القدم....هذا بعد ما صار التبرّع بسوسة لأفغانستان"
و الا هكّا اعطينا فاش نكبشو ونشنعو و تولّي عركة؟؟؟
لازم التكعرير راهي تونس بلاد الناس الكل؟؟ و برّا انا اصلي مالشمال و نحكي بلغة الجنوب؟؟؟
يا ربّي قدّاش نكره الكورة
كتبت تعليق اطول مالتدوينة
شكرا ولادة

العقليّة الجهويّة موجودة قبل الكورة. لكن الكورة زادت شعّلتها.

صحيح قبل كانت عقليّة جهوية اما توة مع الكورة ولاّت عقليّة حوموية، مادام ولد باب سويقة يخاف يمشي لباب جديد و هو لابس مريول الترجي و ولد باردو يخاف يمشي لباب سويقة....

يا جماعة حسّكم بلّغتولها شويّة ههههههههههه

إلّي تقوقو فيه موش ديما صحيح أنا نعرف برشة أنصار الترجّي و هوما ولاد باب الجديد و برشة كلوبيست و هوما ولاد باب سويقة البو عالجدّ

ساعات يبداو قاعدين عندي تلامذة في نفس الطّاولة و أصحاب و هوما كلّ واحد يحبّ جمعيّة

انا ماقلتش اللي ولد باب سويقة لازمو بالسيف يطلع يحب الترجي، اما نحكي عالعنف بين بعض احباء الفرق الرياضية بمناسبة و بدون مناسبة و انا بيدي عندي اصحابي كل واحد فيهم عندو إنتماء لفيراج مختلف و نورمال ديما اصحاب
الكلام الي قلتو انا و سفيان ينطبق على فئة شاذةحاطّة في مخها الي هي مجرّد كائنات كروية تعيش و تتنفس و تضرب و تتضرب كان على خاطر الكورة...
و الشاذ يحفظ و لا يقاس عليه


و عذرا عالتكبيش :))

ميتاليستيك

في هذا متّفقة معاك

و يا خويا كبّش كيف ما يظهرلك ههههههههه هذه مدوّنة إسمها عَبّرْ
مرحبا بيك

بالنسبة لبعض المعلقين غير المعرفين إلي تقلقو من الاشارة إلى مثال شعارات تتقال على السواحلية... المشكل هذا بالذات... هو الاستعداد التلقائي لتحويل أي كلمة و ملاحظة في الموضوع هذا حتى كيف يكون واضح إلي القصد منها إدانة ظاهرة العنف الكروي مهما كان مصدرها إلي مناسبة للحساسية الجهوية... اللص رقم واحد حطت مجرد أمثلة.. مش تستهزئ بالسواحلية بالعكس... حبت تعطي مثال كيفاش يقع اختزال الساحلي في كلمة و إلا اثنين و يتحط في صندوق معزول.. هو يعزل روحو و إلي البقية يعزلوه: "هذاكة متاع ياحباني"... إذا كان الحساسية ضرورية يلزمها ضد الظواهر التهكمية و الاختزالية هذية مش ضد الكلام إلي قالتو اللص...

أنا يظهرلي المشكلة حقيقية و قاعدة تكبر كيفما قلت ليامات إلي فاتو.. بل دخلنا مرحلة الخطر
http://tareknightlife.blogspot.com/2009/02/blog-post_4745.html

يحباني يقولوها في حمام سوسة بلاد القزوردي الأكبر. ياخي ما سمعتوهوش يقول ياحباني في الخطابات متاعو؟

ههه التعاليق زادو ورّاونا حجم المشكلةاللي هي كبيرة اما انا مانتفقش معاك انو سبب تقسيمنا هو الكرة
المشكلة اكبر ببرشا من هكا. ما نعرفش كان مازالت الناس كيما قبل اول حاجة ينشدوها كيتعرفوا علي واحد هي "انت منين؟" ولا كبنية تقول واحد جاي يخطبني نفس السؤال يتنثد من الاول ممكن ناس تحكم و ترتاح او تنزعج من انسان من الاجابة متاع السؤال و موش ريجيوناليزم برك برشة طرق تصنيف اخري عندنا في البلاد يحشموا الواحد
اذا كان الكرة هي اللي تبان فيها الظاهرة هذي موش معناها هي السبب خاطر احنا ابطال العلم متا التصنيف و العنصريّة,,, و ما نحملوش الكرة اكثر من طاقتها, الكرة باهية يا اللص و خاطيها و تستحقش انك تكرهها خاصّة الترجي ههههههههه

ماناش باش اناقشو شكون جا قبل الكورة و الا الانقسام..المهم اللي مشكلة الجهويات موجودة و هي حاجة ماهيش باهية
سمسوم: ماذابيّة نسمع كلامك... اما العقد متاعي اللي كبرو معايا شنوة نعمل بيهم...ههههه... و زيد كان نولّي نحب الترجي، خويا يولّي يتعارك مع ولد عمي و معايا انا... زوز ياسر عليه... ههههه

سمسوم
لعلمك انت فقط راهي لص رقم 1 من احباء "الدولة" الافريقية وتنتمي "للشعب" الافريقي ههههه
على فكرة
ماذا بيك تبان وتضهر نهار الاحد ههههه
تمشيش تختفي

لا يا عمروش كان عشت ما نختفيش هههه غصرة و تتعدّي