اقتضت العادة انه حين نتحدث عن تدني المستوى الدراسي والتعليمي للتلاميذ إن يحمل التلميذ القسط الأوفر من اللوم والتقريع فهو المهمل وهو الكسول وهو المشتت الفكر والتركيز وهمه اللعب والسخرية من الأساتذة ثم يأتي دور الأولياء لينالوا نصيبهم من اللوم فهم مشغولون بالعمل ويقضون كامل النهار خارج البيت وفي المساء لا وقت لديهم لمراجعة تمارين أبنائهم ثم يختم الحديث بتحميل المسؤولية لكثرة البرامج وعدم مواكبتها للعصر وكثرة التجارب أخرها منظومة أمد لكن هنا السؤال الذي يطرح نفسه و ماهو نصيب الأستاذ وما مدى مسؤوليته عن ذلك؟؟؟؟

فمن المعلوم ومن المتفق عليه إن وجود مربي أو معلم كفء في المدرسة يعتبر أمرا حيويا فهو في العادة يلعب دورا مهما جدا في حياة الطفل وهو دور لا يقل أهمية أبدا عن دور الولي, ويؤدي واجبه على احسن مايرام

في الحقيقة سوف لن أجيب عن السؤال ولكني سأقوم بمقارنة بسيطة واترك لكم الحكم

بالأمس وعندما كنا صغارا كنا نخاف المعلم ونهابه بشدة ،نلقبه بسيدي المعلم ونرفع الأصابع للكلام وحين نلمح ظله في أول الشارع نتوارى خوفا من ان يرانا،كنا في بعض الاحيان نعاند سلطة الأب او الأم ولا نستطيع حتى مجرد رفع أعيينا في وجه الأستاذ

كان للمعلم هيبة ووقار وكلمة مسموعة

أكيد تتذكرون العصر الوردي للمعلمين ففي سني هذه ولليوم ينشرح صدري لرؤية معلمتي ولن انسي ماحييت كيف قدمت خصيصا لمواساتي في موت والدي فقد كان تعلقي بها جدا كبير وكنت احرص دوما على ان ابهرها بتفوقي لأرى نظرات الافتخار لديها

و لكن اليوم دعونا نقف لحظة لنرى حال الأساتذة والمعلمين ؟؟؟

لمن لم يتيسر له البكاء فعليه ان يتباكى فالأتي شيء محزن حقا ومؤسف

سوف نأخذ كمثال أستاذ قزوردي ويقول والعهدة عليه انه ملحق بالتعليم العالي يقول في التعريف بنفسه انه تونسي بالحق ثم يستطرد ليقول لنا ويخبرنا عن الحداثة وأثارها فيقول :أما الحداثة في بلادنا فهي مكسب علينا المحافظة عليه والعمل على تطويره والدفع به نحو آفاق أرحب وحمايته مما يتهدده من تآمر المتطرفين الدينيين

موقف مزدوج كعادة أصحاب الشعارات والكلام الفاضي

هذه عينة من تعاليقه

الاستاذ القزوردي يقول..

يا بو العربي يظهرلي فيك خريت فيه بالشراب ما عادش تصبولو ياجماعة

اظن ان هذه الجملة من الوضاعة والصفاقة مايغنينا عن كل تعليق وما يعطينا فكرة عن المستوى وقيمة الاخلاق الموجودة لدى السيد

الاستاذ القزوردي يقول...

تي ما قلت ما عادش راجع يا اللي تحب لبهيم من فوق اللوطة .. ما تسواش .. يا خوانجي ..
تو هذا هذا مستوى .. حتى بعض تفاهاتك في مدونة عياش شوفتهم واستغربت واستحيت حتى باش ندخل في الحوار متاعك مع الجماعة الذين لا يقلون عنك وضاعة .. عيب عليك

نعبر على بعض الأفكار والإرهاصات وبعض من مشاعري تجاه أمثالك

لهنا تتكرر الصفاقة والكلام البذئي لكن يعلمنا أيضا انه مصاب بالعمى التاريخي ومنقطع عن العالم الخارجي فهو بعد عشرين سنة مازال يظن ان كلمة خوانجي هي سبة او شتيمة ومازلت لديه عقلية التسعينات متع "وحيث استفيد" غباء وقصر نظر منقطعيا لنّظير

سيب عليك من ها اللغة الطايحة .. على خاطر إنت وأمثالك كانك خوانجي ماعادش تمثلو مشكلة في البلاد تمثلو ثقل يذكر ولا حتى البقية

اظن هنا انه يقصد نفسه بالكلام عن اللغة الطايحة والشيء من ماتاه لايستغرب

وظاهرلي عندك مشكلة مع المرايات ومع السباط المشيط والكسوة والكرافات وربما مع الصابون والدنتيفريس .. ربي يجبرلك

لا افهم كيف يتم تسليم مستقبل اولادنا لمثل هؤلاء الذين بمثل هذه التصرفات لايزيدون الا تعميق الازمة ورغم مركزهم ومستواهم فهم لا يتوانون لحظة عن اخراج مافي عقولهم من امراض ولا يعني ذلك بالضرورة، أنها حالة نفسية أو عصبية، ولكن قد يعنى خللا في عمليات الانتداب او الفحوص الطبية لمعرفة مدى سلامة مدارك الشخص المعني هو لا يدري او يدري ويتغابى انه بالون من الهواء سرعان ما ينفجر، ولا يسبب سوى الإزعاج والضجيج!

.

لا أتخيلها أبدا أسيرة لصعلوك ملتح بجلباب يخفي آلاف العقد ورأس مملوء بالتعاويذ والخرافات .

هنا يتحدث عن ابنته قرة عينه

فهو خائف من الخوانجية فانصحة اذا بان يختار لها شاب مخنث يتلعوك ويشطح التكتونيك فماش مايلعبوا عروس وعروسة ولا طبيب وتوة كيف تروحلك بطفل توة تعرف شكون عندو عقد يامتفتح انت ولا تحملك سفاحا وتبدا تحشم في روحك في كلنيك الوليد اهوكة يعمل تسهيلات في الدفع ومايطلبش بطاقة التعريف

تتحدث عن الانسانية يا غلطة الزمان

وفي الاخير يزكيه كبيرهم الذي علمهم السحر

نونو القزوردي يقول...

شي يعمل الكيف سي الاستاذ القزوردي
حسن شويا في الإخراج متاع المدونة

اختم بالتوجه اولا للمسؤول الاول عن المعلمين والتفقدية بان تراجع الملفات الطبية للأساتذة عوضا عن الانتماء

كما اتوجه بالنصح لمن بعث لنا مجموعة المدونين الواطي نين القز ورديين بان يراجع عملية الانتداب واين يبعث المرة القادمة اناس محترمين وذو مستوى وقدرة على النقاش والحوار فلربما اقتنع ويهديني ربي وندخل الصف ؟؟ ماتنسواش قادمين على انتخابات وبمنتخب قزوردي هزيل كيما هكة تقول في حانة البهجة ولا قهوة بزديق ولد الحومة موش منتدى وتجمع لناس ذوي مستوى

بدلو الفريق احسن

اتوجه للاستاذ القزوردي برجاء (لاحظ اولا انني لم اسميك احتراما لسنك فقط) ومااستفزني هو تعريفك لنفسك بالتونسي الحق؟؟؟؟؟ علاش احنا توانسة بالكذب؟؟ جدي رحمه الله الي فكلو المحتل (الفرنسيس)ارضو وشنقوه عليها لاتهامو باخفاء الفلاقة ماهوش تونسي بالحق مسكين؟؟؟؟ مصنوع في الصين؟ ماناش صنع في تونس؟؟؟ زعمة هكة ظهرلك ؟؟؟؟

زعمة تنجم الليلة تنظر لنفسك في المراة؟

هل ستستطيع مجددا النظر لاولادك؟؟؟

ساترك لضميرك


عن:3amrouch على الساعة 08:02

لن أستطيع كتمان ألمي بل و يحزّ في نفسي أن تكون تسمية مقالك " حثالة المجتمع ، سقط المتاع " و أن يقترن هذا بحديثك عن التعليم
و لكنّي أعلّل النفس بالقول أنّ العلم و التعليم في تونس أبرياء من مثل هؤلاء و أنّه مازال في جهاز التعليم التونسي شرفاء .

يا عمروش مانيش جاي بالذمة باش ندافع على الأستاذ المدوّن السالمي ولكن إحقاقا للحق فإنّ إخراجك للتعليقات متاعه من إطارها فيه تجنّي كبير على الرجل خاصّة وأنّه كان يجيب تعليقات إستفزازيّة من هاك المعلّق صاحب الحمار ولا هو أبو الكربي إلّي إستعمل معاه كلام غير أخلاقي ومستوى متدنّي مما يجعل الإجابة بالطريقة إلي جاوب بها السالمي أقلّ ما يمكن قوله

صحيح كنت أفضل أن يمتنع السالمي عن الرد والسقوط في فخ الإستفزاز لكن موش باهي نخرجو التعليق من إطاره

أنا الحقيقة في بلاصته كنت نجاوب أخيب من هكة أو نمتنع عن الإجابة كليّا وهو الأفضل في رأيي

هو فيما يخص دنائة بعض القزورديين أنا موافق. خاصّة
و قت إلّي نسمع أستاذة و مديرة معهد ثانوي تشتم في مواطن أخر ينافس فيها في الإنتخابات البلدية، و حكايات أخرى من نفس الشكل. و بالطبيعة كلام ما يتعاودش. أنا بيدي ما كنتش نعرف أنو كلام كيما إلّي سمعتو موجود. واحد يعيش و يتعلّم.

بيق
سلامي ؟؟ شكون سلامي؟؟
انامبعرفوش ماقبلتوش ماكلمتوش هههه
على كل منتذكرش بو العربي قال كلمة خارجة عن الموضوع (سبان وتطيح قدر) على حد علمي بالطبيعة هذه حاجة
ثاني حاجة ابو العربي ولو فرضنا جدلا هو او اي واحد اخر يقول كلام من هاك النوع فهو معروف بكنيته فقط ولو حتى بلقبه فهو يضر نفسه لكن الاستاذ المعنى بالامر معرف بنفسو انو استاذ وملحق بالتعليم العالي (خلينا من فازة انو تونسي بالحق) يعني هو كيف يتحدث لازم يحط في عين الاعتبار انو وراها وزارة كاملة متع التربية ويكون حذر اكثر من هكة ويعرف اش يقول فهمتني؟؟
فمة مثلا نائب(موش في تونس) عمل عركة يوم السبت ليلا في حانة يعني خارج اوقات الدوام وحياتو الخاصة لكن لمجرد جبدان اسمو اوقف عن العمل وعملو تحقيق وكان ممثل لشركة الغت التعاقد معاه لانها خافت على اسم شركتها
هاك النهار نلعب في طرح بوكر مع صحاب في دار فيهم واحد ولد وزير ومرشح للعب دور مهم في المستقبل وقت جاء وقت اخذ صور للذكرى رفض التصوير لانو يخاف استغلال الصورة متاعو في المستقبل فهمتني ؟؟
ريتش قاضي محترم ليلة سبت يصطاد في البلازا ههههه
على كل هو فسخ التدوينة موضوع النص وانشاء تكون درس ههههه

المدعو أعلاه كتب مرة تدوينة على المظاهرات المؤيدة لغزة. في الأول كانت ذات مستوى عال لكن سرعان ما خرج على الموضوع وولى ينتقد في الإسلاميين عبر تعدد الأزواج...
أنا تركت تعليق، بش نطلب منه ماعادش اقول الشيخ طاهر بن عاشور في إلي ما قالوش : اقتبست فقرة من التحرير والتنوير أتأكد إلي عمرو الشيخ ما قال تعدد الزوجات ما فماش. وزيد قتلو ثبت روحك راهو الفاضل ولد الطاهر..

حاصيلو ياخي أهوكة مقصني من غادي الغادي...

قلتهالو في تعليقي المحجوب وأعيدها الأن : الله يرحمك يا شيخ عبد الرحمن خليف، كنت سادد علينا باب البلاء في القيروان !

ايه بالحق الله يرحمك ياشيخ خليف
اهوكة ولدو على الفايس بوك وباش يرفع قضية على جريدة ولا مجلة تونسية صحافي فيها نسب كلام غالط للشيخ ورغم اتصالو بيه رفض انو يصلح غلطتو
تكلمت معاه مرة ناس ملاح برشة خير خلف لخير سلف
يقعد كان الفعل الطيب

"فهو خائف من الخوانجية فانصحة اذا بان يختار لها شاب مخنث يتلعوك ويشطح التكتونيك فماش مايلعبوا عروس وعروسة ولا طبيب وتوة كيف تروحلك بطفل توة تعرف شكون عندو عقد يامتفتح انت ولا تحملك سفاحا وتبدا تحشم في روحك في كلنيك الوليد اهوكة يعمل تسهيلات في الدفع ومايطلبش بطاقة التعريف "
1- سامحني فيك هنا غلط أكثر من السيد الي انت تحكي عليه.
2- انت تتكلم بنفس الاسلوب والمنطق متاعو.
3- أما فيما يخص انتقاء الالفاظ فعندك ألف حق لان هذي زاد مصيبة عند التوانسة لكل نساء ورجال وتبدأ من الصغرة
على كل أرجو أن نلقاو موجة تلم الاتجاهات الكل من أجل الحوار اللايق قبل كل شيء

@ 3amrouch

أنا كنت تبعت الحوار ونأكدلك أنه إلي بدى يحكي كيف الهايشة هو هاك إلي ما يتسماش إلي قلتلك عليه، يمكن من بعد فسخ تعليقاته هاذيكا حاجة أخرى

تحياتي