|
السبت، فيفري 28، 2009
|
|
تخرنن مالصباح، تحب على راجل بالحق، حاجة اخرى، فارس احلام و برشة كلام متاع كتب... صبر عليها الفترة اللي مستانس يصبرها كل مرة و تكلاطا عليها: منين بش انجيبهولك الراجل هذا، ما ثمّ كان اللي قدّامك، هذاكا اللي ثمّ، آش تعمل بأمّو صيد بو قلادة، موش فار بوطميرة خير، انا على الاقل اتنجم تهز علي صوتك وكان الزم يدّك، و زيد الرجال اللي انتي تحلم بيهم راهم في الكتب بركة، سينما و هليود و فرهود، في الدنيا الامور ابسط، اي شد الفار بوطميرة متاعك، و احمد ربّي، تي كان لبعد، غدوا يجيو طالبان و يطبقو على مذهب امّك الشريعة، اتا ما يبقالك كان رْبُعْ فار جملة وحدة |
|
عن:ferrrrr
على الساعة
13:25
|
عدد التعليقات:9
التسميات:
|
|
الجمعة، فيفري 27، 2009
|
|
م اللي أنا صغيرة، نكره كرة القدم كره شديد، نكرهها في الدم... تفكرني في هاكا الأحد العشية، و انتي تبدى تخدم في دروسك، و أولاد العمات يبداو مقجقجين ع الرديون يسمعوا في المنجي النصري...اهوكة من وقتنها بدينا نحسوا في عقدة الميز الجنسي... الله غالب نكرهها في الدم... خاطر كل ما فمة ماتش ودّي، و إلا وطني، و إلا قومي، و إلا عالمي، أنا نخاف م الصياح اللي يبدى قبب... و ريحة الدخان اللي تبدى تعجعج من بيت القعاد... نكره كورة القدم، خاطر ولّينا بيها ساحلي و و صفاقسي...و في جرتها اتقسمنا، حوم و بطاحي، و زناقي، و ولينا ألوان ألوان هذا بلون الذهب، و لاخر بقلاوة الباي، و واحد في لون الدم، و واحد لون الجبل نكره كرة القدم، خاطر خويا و ولد عمّي يعدّيوا جمعة كاملة وخيّان، أصحاب أحباب، و نهار الأحد لازم يتعاركوا نكره الكورة، خاطر جرّتها البلاد تقسمت ثلث أحمر و ثلث أبيض و ثلث أصفر... هذا بعد ما صار التبرّع بسوسة لأفغانستان نكره كورة القدم، خاطر جرتها هي، سوسة ولات دولة مستقلة، دينها الإسلام و لغتها آني يحباني |
|
عن:L'AsNumberOne
على الساعة
10:37
|
عدد التعليقات:21
التسميات:
|
|
الثلاثاء، فيفري 24، 2009
|
|
أبو القاسم الشابّي شاعر تونس الأوّل شاعر الحريّة و الرّومنطيقيّة شاعر الكآبة و الألم ، جسد ضامِرٌ هدّه المرض و حياة مغمورة بالحرمان و الشّقاء و زمن طافحٌ بالفقر و الجهل و الاستبداد . لسنا نعرف شاعرا في مثل بيئة الشابي و أجوائه تجمّعت عليه مثل هذه الضروب من العذاب ففجّرت فؤادَه بالأغاني و ألهَبَت قلبه بالحبّ و قادته إلى تَـقَـفِّي خطَى الكون بحثا عن الماوراء السَّرْمَد . هو الشّاعر الفنّان و في هذه الصّفة ما يميّزه عن غيره من الشعراء الذين كانوا يعيشون بحاسّة واحدة أمّا هو فقد كان يشحذ جميع حواسّه المرهفة ، فقد كان يستخدم في شعره مَرْقَـمَ الموسيقى و ريشة الرسّام و تعبير الشاعر الفحل و يرمق دنياه من أعلى القمم فيُبدع في تلوينها بعبقريّة تستقبل الحياة بأكثر من حاسّة . و هو إلى جانب كلّ ذلك شاعر الثورة و مُلهِبُ العواطف و مُستنهِضُ الهِمم و الثّائر على العجز و الخمول . و هو مشدود إلى فراش المرض يقول شعرا في إرادة الحياة حتّى ليُخَيَّلُ إليك أنّه سيُقيمُ الدّنيا و لن يُقعِدَها و قالتْ لِيَ الأرضُ لمّا سألتْ / أيَا أمُّ هل تكرَهينَ البَشرْ أبارِكُ في النّاس أهلَ الطّموح / و مَن يَسْتلذُّ ركوبَ الخطرْ و ألعَنُ مَن لا يُماشي الزّمانَ / و يقنَـعُ بالعيش عيشَ الحَجَرْ هُوَ الكونُ حَيٌّ يُحبُّ الحياةَ / و يَحتقرُ المَيْتَ مهما كَبُـرْ فلا الأفقُ يَحْضِنُ مَيْتَ الطّيور/ و لا النّحلُ يَلثمُ مَيْتَ الزَّهَرْ و مَن لا يُحبُّ صُعودَ الجبالِ / يَعِشْ أبَدَ الدّهر بينَ الحُفَرْ هكذا عاش نسرًا رغم الدّاء و الأعداء لا يرمق الظلّ الكئيب و لا يرى ما في قرار الهوَّة السّوداء و هكذا ظلّ شعره بيننا قَبَـسًا من نور الإله ، هذه لمسة وفاء من مدوّنة " عبّر إنّها تونس " يا من سبحت في لُجّ هَوَى تونس و اسْتُـبِيحَتْ دِمَاءُ العُشّاق منك . رحم الله أبا القاسم الشابّي
|
|
عن:WALLADA
على الساعة
16:51
|
عدد التعليقات:9
التسميات:
تونس- للذكرى
|
|
الاثنين، فيفري 23، 2009
|
|
|
|
عن:3amrouch
على الساعة
08:35
|
عدد التعليقات:9
التسميات:
|
|
الأحد، فيفري 22، 2009
|
|
Lors d'une conférence organisée par l'ATUGE (Association des Tunisiens des Grandes Ecoles) à Paris le 11 février 2009, le Directeur Général Adjoint de la STEG a donné des précisions sur le Programme Nucléaire Tunisien.
Ce programme vise à doter la Tunisie d'une énergie électrique produite dans des centrales nucléaires. L'entrée en service du premier réacteur nucléaire a été fixée pour l'année 2023. Le deuxième réacteur est attendu pour l'horizon 2030. Pourquoi attendre si longtemps ? En fait, les projets électronucléaires durent en moyenne une bonne quinzaine d'années pour un pays sans expérience dans le domaine, ce qui est le cas de la Tunisie. Le programme se déroulera selon les trois phases préconisées par l'AIEA (Agence Internationale d'Energie Atomique) : 4 ans de lancement, 4 ans pour l'appel d'offres et 8 ans de construction. Bien que le premier séminaire sur le nucléaire en Tunisie ait eu lieu en 1979, notre pays n’est pas encore leader dans le domaine, puisqu'il se trouve qu'aujourd'hui parmi les rares pays de la région à ne pas disposer d'un réacteur nucléaire de recherche (le Maroc, l'Algérie et l'Egypte disposent déjà de leur réacteur de recherche). Le besoin en énergie électrique est en constante croissance en Tunisie, tandis que les ressources utilisées aujourd'hui pour la production sont limitées, voire en tarissement. C'est le cas du gaz, importé aujourd'hui à hauteur de 30 % du voisin algérien. Pour pallier à ce manque de ressources, la Steg prévoit l'introduction du charbon vers 2016, avant de passer au nucléaire. Ce post n'est en rien un compte rendu de la conférence. C'est juste un résumé des quelques notes que j'ai prises, mais c'est surtout un moyen d'amorcer un débat sur la blogosphère. Voici quelques questions qui pourraient être discutées par nos chers bloggeurs : - Que pensez-vous de ce projet ambitieux ? et la Tunisie a-t-elle les moyens (financiers, humains, etc.) pour le mener à bout ? - Auriez-vous des informations plus précises sur le sujet ? des sources d'informations fiables sur le net ou ailleurs ? - Que pensez-vous de l'orientation stratégique de l'Etat aujourd'hui : miser sur le nucléaire à long terme ? - Et quid de la délicate question des déchets, qui n'a pas été abordée lors de cette conférence ? - Le nucléaire va-t-il reléguer au second plan les autres énergies, notamment les énergies renouvelables ? (la Steg a assuré que l'éolien va être exploité dans les limites possibles que permet la nature fluctuante de cette énergie. Mais quid du solaire ? trop cher ?) - Les répercussions socio-économiques de ce projet seront bénéfiques, selon la Steg (création d'emploi via les contrats de sous-traitance, dynamisation de l'économie du pays...) mais quid des répercussions sur l'environnement, le paysage, l'urbanisme...? - Quelqu'un a-t-il une idée de la position des Verts tunisiens ? Les Verts en Europe sont généralement opposés au nucléaire. - Que pensez-vous de la coopération très étroite avec la France, qui est leader dans le domaine ? Et si, au cours du projet, le contrat est confié à une société autre que le français AREVA, cela remettra-t-il en cause, selon vous, cette coopération ? (la conférence en question a eu lieu, pour rappel, dans les locaux d'AREVA) - ...? |
|
عن:Mani l'Africain
على الساعة
18:56
|
عدد التعليقات:8
التسميات:
|
|
الجمعة، فيفري 20، 2009
|
|
روى لنا احد الشعراء الموثوق في شهادتهم والمعروف جدا انه حضر احد المهرجانات في احدى المدن التونسية ..وكان رئيس اللجنة يقدم شاعرا شابا يبدو انه طالبا بالجامعة التونسية ...صعد هذا الاخير الى المنصة وبدا يقدم لقصيده -قائلا- والجميع في انتباه ...
اعتذر مسبقا للتي قد ينطبق عليها الاوصاف التي ستأتي في قصيدي وكل تشابه ليس سوى من قبيل الصدفة.. ورد خدك ....احمر صبغ شفاهك ....احمر لون بردك ....احمر عبق الورد على تنورتك .... احمر كعب حذائك .... احمر كل شيء فيك .... احمر .... فماذا تركت بربك للتجمع الدستوري الديمقراطي ؟؟؟؟؟؟ |
|
عن:abunadem marzouki
على الساعة
20:38
|
عدد التعليقات:4
التسميات:
|
|
الأربعاء، فيفري 18، 2009
|
|
عملت قعدة مع جْريدي حقيقي، نقصد جْريدي بالمِنْجَدْ وموش فلكلور مالتلفزة...كل مرة انزيد نتاكد اللي كان اتلوح التلفزة مالشباك وتنساها تتحسن حالتك، وحتى زروصك اللي طاحو ممكن ينبتو من جديد... الجريدي هذا خفيف روح، صاحب نكتة حتى لصبّاطو، وصنايعي في الحكاية، يعرف منين يبداها ويتلْفك بش تسمعو للآخر، يقتل الغرزة حتى سعات اتصدق حكايتو، بعد نُص ساعة وليت نحكي معاه وكايني نعرفو عَندي عشرين سنا... حكينا على سارتر، ميلر، المسرح، البيرة، اسعار البرطمانات، عين الحوتة في صبع الساق الكبير، المطارات، الشهايد... كيف حكى على كفكا انا فهمت اللي هو افهم اللعبة: كلمة لا على العبثية ومسرح العبث، كيما يعملو اللي يبداو يقراو في كفكا ويبطلو، يلوحو الكتاب (على خاطر يقلّقْ)، هذا لا، هذا فهم اللي كافكا ما قصد شي من هذا، كلو باراتان متاع النقاد مالستينات والسبعينات، يعني بعد ما سوست عظام كافكا، الوحيد اللي ينجم يحكي بطريقة معقولة شوية على كتاب واضح انو ما قراهش... فنان في الكلام! قلتلو الي هو لا يستحق سيناريست ولا مخرج، الي هو اوتونوم، ماعون صنعتو هاو في مخو، علاش ما يظهرشي في التلفزة؟ كمشْ وجهو وقالي "ومَه تشوفني في التلفزة؟ احشومة يا صاحبي"، وطول كُنتر اتاكا: "وانت هاك زادا مثقف وقاري، اوتونومين، اش بيني موش انشوف فيك تجري للتلفزة ولا لتلفزتين؟"، ما لقيت ما انقلو، خدمت ردّاد في حضرة، عاودتلو السبب الي قالو هو، اتكلاطا بضحكة فجع بيها زوز ولا ثلاثة كليونات قاعدين قراب، رعبهم، وقالي، "اي مالا عاد اخطى السما متاعي وهات اكالصفّورية /يقصد البيرة/ ونحكو في امور ما فيهاش تلافز".. واحد ماللي يظن روحو غلب الوضع، هجْ، فالحقيقة مغلوب، غلبتو حال تونس، يفكّر فيها اكثر ماللازم، ما يفكر كان فيها، على هذاكا شطر مُخو معاق، ما يستعملوش، مستحوذا بيه تونس، هو يظن اللي هج وبش يعيش لروحو وللفكر والحرية، دُوويوْ! الحالة المزرية اللي خلاها خلطت عليه لهوني.. اتعس: ما خلاهاش، هاززها معاه كيف حْمِلْ/شكارة متاع حجر لا ينفعو ولا ينجم ايلوحو، ومن ثقلو ما ينجم يعمل حتى حركة... رهينة! فيسع ما يفهم اشكون قاعد قدّامو ويفهم سيستام التفكير والرد والتعليق متاع المخاطب ويتأقلم معاه ويولي يعرف تقريب آش بش يقول ولا علاش باش يحكي المحادث متاعو في الدقيقتين الجايين، على خاطرو ذكي وصاحب فطنة و زيد قاري ومتعلم، من النوع كان ينسى النص متاع مسرحية فوق الركح موش مشكل، وفي برشة حالات يعمل بالراي كيف ينساه ويرتجل طقطوقتين ثلاثة من عندو، يصلّح بيهم النص الشوليقة، وكان ما تصلحشي الموقف موش مشكل بالكل، معناها المسرحية مالاول بلاصتها في الزبلة وما عندك باش تنقذها... فمّ نص متاع مسرحية ما عندك باش اتفسدو حتى كان تتمد عالركح وتجبدو خميري وتشخر كالثور، اتلوحشي فوشيكتين ثلاثة في المتفرجين، ما تفسدهاش، وثم مسرحيات ما ينقذهم حدْ، حتى صاحبي هذا... بعد شوية قالي: "بوها، لهْنا تْكَبْتُو تلفزة تونس؟" جاوبتو سكتْ مرة وحدة.. بدلولنا الطقطوقة، جابولنا بيرة، وبعد وقيتْ نسى.. وبدى يحكي، مالاول بالشوية ومن بعد بحماس، على حركة التدوين في تونس وحرية التعبير، قلتلو بشوية/برشة نفاق "احكيلي على التدوين"، صب اللي عندو الكل، وسبّ الحجب، والصحافة بودورو والصحافة الباهية والمدونين والفايسبوك وڤطّعْ جماعة "معا" وجماعة "كل واحد وحدو"، والعارضة والمعارضة/المستهترة والمعارضة الموالية لصبّاط سيادته/ والمفتي والمسلمين الحقيقيين والمسلمين المدلسين والمسلمين بما لا يكفي، ودينهم و ربّهم والجماعة الكل بالتمام والكمال، وما فهمتش علاش عمل دورة كبيرة و رجع للمُفتي و زادو نڤرتين ثلاثة اضافية/يمكن للثبات... المهم، ما كنتش نستغرب لو كان قاللي "اكا مارطو الشلاكة، راهو كذا وكذا"، الحاصل لْعِجْ عالكُلْ... خليتو يحكي بصراحة ومن غير المؤثرات والمكروفونات متاع المؤسسات الشلايكية (نسبة الى الشلاكة)... عطيتو عنوان المدونة متاعي... ظهر عندو ثلاثة مدونات... واحد من شباب تونس اللي هجْ من وفرة عروض الشغل المغرية في ظل "الحكم الرشيد*" وسْرَحْ في الدنيا... بش يعرف شويييييييييية حرية (نفّة) و بااااااااااااااااارشة اغتراب (كيلو)... و ممكن لا... Système primitif de chasse utilisé par l’Homos erectus * |
|
عن:ferrrrr
على الساعة
17:18
|
عدد التعليقات:4
التسميات:
|
|
|
|
عن:WALLADA
على الساعة
17:09
|
عدد التعليقات:1
التسميات:
تونس- للذكرى
|
|
جمعيات تساند في بعضها Che ..We are here !!! تشي ... نحن هنا بالمــكشــــوف = بالمــغــمـوم Fierté et gloire !!!!!!!! ?????? كلام كبيــــر !! للــتذكــــير نحن إزاء ماتش كورة آش يحبّو يقولو الناس هاذومه ؟؟ ـ      |
|
عن:brastos
على الساعة
12:57
|
عدد التعليقات:3
التسميات:
|
|
ورقة، او يمكن القول انها منشور... قاعد يدور في مدينة م المدن المدة هذي  يمكن الضغط على الصورة من اجل الحصول على جودة افضلقمت فقط بمسح اسم الطبيب المعني بالأمر حتى لا تتم شخصنة الموضوع... و كذلك بتوضيح بعض الكلمات اللي نجمت نعرفها بحكم انو عندي نسخة م المنشور... فقط للعلم بالشيء و حتى يكون الجميع في الإطار... المدينة فيها زوز أطباء متاع نساء (جينيكولوق) فقط ، الطبيب اللي يتحدث عليه المنشور، وعلى حسب ما سألت معروف بدماثة اخلاقو و حسن سيرتو على عكس الطبيب الاول اللي كان "مونوبول" في المدينة و معروف ياسر بمشاكلو وسوء تصرفو في ميدانو... و ما يستغربش منو انو يكون ليه ضلع وراء الورقة هذي اللي قاعدة تدور . و العلم لله |
|
عن:شبكة مدونين تونسيين
على الساعة
02:37
|
عدد التعليقات:3
التسميات:
حتّى م الطّبة
|
|
الاثنين، فيفري 16، 2009
|
|
مكتب السيد الرئيس قاضي الطفولة
الموضوع : تحرير محضر معاينة و إثبات حالة لصالح : مواطن تونسي غيور ضد :المهرج سفيان وشركة ضلفة هندي للانتاج ومن لف لفهم يتشرف الطالب ان يشرح لهيئة المحكمة الموقرة ما يلي : حيث أنه و بصفتي مواطن تونسي حريص على مستقبل بلادي ومستقبل ابنائها وحيث انني شاهدت وللاسف الحلقة قبل الفارطة لمنوعة مهرج شو وحيث انني صدمت لما جاء فيها من خروقات وتجاوزات واعتداء على طفولة بريئة ببريق الهدايا وحيث انه تبين بالكاشف انها منوعة تهمش و تقتل الطفولة بوصفها مرحلة عمرية اساسية في نحت الشخصية و التوازن حيث انه بالاطلاع على ماجاء بالفصل 31 من مجلة حماية الطفل وعلى واجب الإشعار لكل ممن تبين له أن هناك ما يهدد صحة الطفل أو سلامته البدنية أو المعنوية وحيث ان المشرع التونسي جعل قانون الإشعار وجوبيا في حالات تعرض الطفل إلى سوء المعاملة بصفة اعتيادية (يتم الامر كل يوم احد) وحيث ان الإشعار كتدبير قانوني وقائي يتمثل في الإعلام عن حسن نية من طرف كل شخص وبكل الوسائل المتاحة بوجود حالات حرجة تهدد الطفل الذي لا طاقة له لتجاوزها بمفرده وحيث أن العملية مدروسة وتهدف حقيقة إلى مسخ الهويّة والقيم التي تربينا عليها مع مايقد ينجر عليه مستقبلا من كوارث فلهذه الأسباب ومن أجلها الرجاء من هيئة المحكمة الموقرة ان تاذن بفتح تحقيق موثق بمحضر رسمي لإ ستعماله فيما يسمح به القانون وتدعو بموجبه الى إستصدار امر إثبات الحالة والتجاوز و تحليل الأسباب التي أدت إلى حالة التهديد استنادا إلى الأبحاث الإجتماعية وتحديد المصلحة الفضلى للطفل واقتراح الحلول والتدابير الملائمة لمعالجة الوضعية مع كل التحفظات. الطالب |
|
عن:3amrouch
على الساعة
10:29
|
عدد التعليقات:2
التسميات:
|
|
الأحد، فيفري 15، 2009
|
|
لماذا تحمل المدوّنات الأوروبيّة أسماء أصحابها الحقيقيّين و صورهم الحقيقيّة في حين تحمل المدوّنات التونسيّة أسماء مُستَعارَة و لا تحتوي على صور أصحابها إطلاقا ؟ ستقولون غير صحيح فالبعض يحمل الإسم الفعليّ للمدوّن إلاّ أنّي أتساءل عن الأغلبيّة .
الأمر لا يتعلّق أساسا بالحجب أو الخوف من التعبير عن الرّأي بحريّة إذ أنّنا نرى مدوّنات تُـعْنَى بالطّبخ أو الموضة و لكنّها تمارس نفس الأسلوب في استعارة الأسماء . لماذا حسب رأيكم ؟ |
|
عن:WALLADA
على الساعة
18:04
|
عدد التعليقات:24
التسميات:
قضيّة للنّقاش
|
|
الأربعاء، فيفري 11، 2009
|
|
في عيد الحبّ تذكّرت و ما كلّ ذكرى بطيّبة . هههه عيدٌ للحبّ ، و كأنّ الحبّ مناسبة يُقامُ لها عيد مرّة في السّنة / و باقي السّنة ؟/ الحبّ الحقيقي زلزال يرجّ الكيان و يملأ عليه أيّامه و لياليه و يَسِمُ الحياة بسِمَته فيتحوّل كامل العام حبًّا في البُعد كما في القرب في الحضور كما في الغياب . ماذا بقي إذا ، القدّيس فالنتان؟ كم تبلغ نسبة الذين يعرفون قصّته الحقيقيّة و لماذا سجنه الامبراطور كلود الثاني ثمّ قتله ، و متى عرفوها ؟ حتّى يدخل في تقاليد أعيادنا و ينتشر في صفوف الشّباب و المراهقين . لستُ أجاري أصحاب الفتاوي الذين يحرّمون و يحلّلون حسب أهوائهم المريضة إذ لا أحد يرفض العواطف النّبيلة ، لا أحد يصدّ الحبّ الصّادق و يغلق دونه باب القلب ، لا أحد يُعرض عن الجمال و الفنون و السّعادة و لكن لماذا في هذا اليوم بالذّات ؟ ألا يمكننا أن نحبّ بعضنا على مدار السّنة ؟ أليس لدينا ما يكفينا من المناسبات لنعبّر عن هذا الحبّ لو كنّا نحسن استغلالها ؟ أعياد ميلادنا ، ذكرى الزّواج ، عيد الأمّ ، يوم الآباء ، ذكرى اللّقاء الأوّل ، ذكرى نجاحٍ ما ... أو بدون مناسبة و لكنّ الإنسان توّاق أبدا للتّقنين و التنميط يروم الانعتاق و في ذات الوقت يركن للقاعدة و التقليد . تعيش البلاد منذ أيّام على وقع عيد الحبّ : مهرجانات يُستضاف لها أشباه المطربين بطائرات خاصّة و بأموال طائلة ما أحوج إليها جيب التونسي و حفلات تستهدف الشّباب في أحلك فترات الامتحانات . غدًا تمتلئ صفحة الفايس بوك بالقلوب و الورود ههههههه ، ما أسهل الهدايا الافتراضيّة و أسهل منها الكلام الافتراضيّ ، غدا ترى القلوب في كلّ الأحجام و الأشكال و كلمات الحبّ و الأماني فهل لأطفال فلسطين هدايا ؟ و هل لسجناء الحوض المنجمي هدايا ؟ و هل للشّباب في قوارب الموت هدايا ؟ و هل للمتضرّرين من الفيضانات في ريف المغرب هدايا ؟ و هل لجياع إفريقيا هدايا ؟ و هل لأمّهات الشّهداء هدايا ؟ و هل للسّاكنين في العَرَاء هدايا ؟ أم أنّهم فصيل من البشر لا نصيب لهم في الحبّ و لا يشملهم عطف قدّيسكم فالنتان تماما كما لم يُـلْقِ أبوكم نَـوَالْ في مدخنتهم هديّة –معذور فليس لديهم مدخنة- ؟ أم ترانا نسيناهم في زحمة ال...حبّ ؟ |
|
عن:WALLADA
على الساعة
15:58
|
عدد التعليقات:25
التسميات:
|
|
في قعدة حلوّة اقراولي حسابي، في كعبات نهار سبت مع الاحباب اقراولي حسابي ديما. عرس، ثالث، فرق، وطيه، بلية، ربوخ رايض، ربوخ فيه ضرب خنيفري مايسالش، اقراولي حسابي. ماتش كورة مع اكالغفّاصة مالحومة الفوقانية اقراولي حسابي، نلعب درجْ و نرتاح درجين، اما المهم اقراولي حسابي. كتيبة، اكتب وفسّخ، هاني معاكم بالجهيد.. واقراولي حسابي. عوّادة اقراولي حسابي، حتى ما فيهاش عود ميسالش اقراولي حسابي.. حاجتكم بانترنور متاع شطرنج، ساهل ياسر، انا نكذب من هوني وانتوما اقراولي حسابي من غادي. تحبوشي تعملو فنون تشكيل، اقراولي زادا حسابي، ما انخليش من روحي... مشية للبحر، اقراولي حسابي، في البطيخ والدلاّع ما تنساونيش، في البريك بالتن تنساوني راني نِدْوانْ و نْجيبْ ما عندي... اقراولي حسابي على بكري. تعملو مسرح، اقراولي حسابي، حتى مخرج ميسالش.. في عجّة بالمرڤاز مع كعبتين رُوجْ انا نقرالكم حسابكم... في ايامات ڤينيا اقراولي حسابي، ايامات فارغة معاكم، ضرب ومضروب ماو معاكم، بطالة كيف كيف، فلسة ماو من جملة الناس... يجيشي نهار وتتلزو تاكلو القطاطس، معاكم..
لواه انطول في امها الحكاية، اقراولي حسابي فاللي تحبو، في بلاصة في الجلاز زادا، كل شي الا في حملة التطبيسْ متاع "معا من اجل..."، في هذي ما نيش "معا"، ما تْعمْلوشْ علي راني انخليها بيكم. وفيما تبقى نُرمال، اقراولي ديما حسابي. |
|
عن:ferrrrr
على الساعة
13:38
|
عدد التعليقات:9
التسميات:
|
|
Rahma vient de naitre et c'est un acquis que les militants dans le domaine de la lutte contre le sida ont longtemps revendique. La chaine du dialogue vient de publier une interview televise avec une representante de cette association ici. En ecoutant bien cette interview, on se rend compte que c'est quasiment la premiere fois qu'on remercie l'etat et le gouvernement sur cette chaine. HIV interview.mp3 |
|
عن:Zizou From Djerba
على الساعة
12:15
|
عدد التعليقات:2
التسميات:
|
|
ما نخبّيش عليكم و أنّي ساعات، كيف الفرططّو اللي يرجع للنار اللي تحرقو كيما يقول الجويني يرحمو، نطيح مونْك في اللغة الخشبية و ما نلقاش خير من تونس 7 نشرجي بيها الريزرفوار على ما ياتي...الحاصل هي هي و الربع ساعة لولا اللي بيها الفايدة فاتتني، قلت ميسالش لعل نخلط على حويجة وقتلي يلخصو العناوين...و إذا بي نرى الله يلطف بي و بيكم في راجل يتكلم و وراه خريطة ملونة بطريقة غريبة شوية...زدت ثبتت و إذا بيها خريطة حرية الصحافة في العالم...الساعة نحطّوا الأمور في إطارها اللقطة جات في وسط التقرير الخاص بزيارة ساركوزي للعراق...نرجعوا توة لموضوعنا...شنوة التسيب هذا؟ كيفاش تسمحوا في قناة وطنية مشهودلها بالريادة كيما تونس 7 باش تعديوا خريطة تخوّف محسوب بكلها حمرا في جرّة روسيا...لا و تونس ملونة بالأكحل جملة...ماناش ناقصين إشاعات نحنا...هاو راديو كلمة يدلل....هاو الطريق الجديد تحجزلو عدد...هاو الناصرية ما حبّوش يرخصولها...المطلوب مزيد اليقظة و إذا لزم ما عادش تتعاملوا معاه مراسلكم في بغداد تقولش عليه مستقصدكم...ما لقى حتى أريار بلان آخر...نحب نستغل الفرصة و نحيي جريدة الحدث اللي ماخذة بخاطر القراء متاعها و عاملة للأسبوع الثاني على التوالي تقرير على روبار مينار اللي ما عندو ما يعمل كان يمرج فينا و يشوهلنا في سمعتنا...لا و قلك هو اللي مكّن سيئة الذكر حسب تعبيرهم سهـ ام بن سـ درين من تجهيزات لبعث إذاعة بتونس بلا رخصة و بتجاوز كامل للقوانين. |
|
عن:Werewolf
على الساعة
08:56
|
عدد التعليقات:2
التسميات:
|
|
الثلاثاء، فيفري 10، 2009
|
|
المكان قاعة درس في الجامعة التونسية دخل الأستاذ قاعة الدرس فاذا بيه يلقى قدامو منظر غريب؛ تشكيلة من البورتابلوات محطوطة فوق الكراسي بجنب الطاولة متاعو؛ ما فهم شيء؛ زعمة هذي طريقة جديدة للتعبير عن الرأي؛ ولا مظاهرة بورتابلواتية؟؟؟؟ لا يا سيدي الحكاية او ما فيها الطلبة تشرجي في بورتابلواتها في القسم؛ الأستاذ يحس في روحو شيّط -الأستاذ؛ شنوة توة هذا معقول بربي؟؟؟ تي أنا قلتلكم ممنوع استعمال البورتابل او لازم تسكروهم و ليتو تشرجوا فيهم جملة؟؟؟؟ - طالبة؛ لا مسكّر موسيو البورتابل - الأستاذ؛ بالله؟؟؟ مسكّر؟؟ آخي ما عنكمشي بريزات في دياركم؟؟؟ او يا ريتو ما سأل هالسؤال مسكين؛ هيجة او ميجة في القسم او الطلبة الكل تعيّط؛ نحاووهم البريزات في المبيت الجامعي الأستاذ؛ آه؟؟ لا تفدلكوا الطلبة؛ لا و الله موسيو ما عندناش بريزات في المبيت الأستاذ؛ علاش؟؟؟؟ الطلبة؛ قالوللنا اقتصاد في الطاقة الأستاذ يضحك؛ آه اقتصاد في الطاقة؛ هيا مالاّ ميسالش شرجوا لهنا موش مشكلة؛ او بينو بين روحو ايقول ياولاّ احوال؛ ملاّ حالة هذي يا بو رب طلبة قصوا عليهم الضو؛ طول عمري نسمع بيها هذي طفي عليه الضو حتى لن جيناها؛ طالب ما عندوش وين ايحل كاسات ولاّ رديون في حين انّو من المفروض راهو عندو انترنت او ويفي او التسهيلات الكل باش يقرى؛ او ثمة ناس مازالت شادة صحيح قالك الشباب هو الحل موش المشكل؛ شباب ما عندوش بريز في بيتو زعمة اينجم ايكون الحل؟؟؟؟؟ توة تحب تقتصد في الطاقة تنحي البريزات على الطلبة؟؟؟ و الله شيء ايضحك ههههههه؛ و الله خايف لا ايجي نهار ايولي لازم الطالب ايجيب شهادة فقر باش ايخلوه يستعمل التوالات في المبيت؛ ولاّ زعمة تو الطلبة يخرجوا نهار من النهارات في مظاهرة باش ايطالبوا ببريز؛ او اينجم ايكون الشعار مثلا ؛ يا طالب يا عزيز؛ لا دراسة بلا بريز؛ او وقتها ايولي البريز بالاكتاف او الرشوة؛ او تولي الطلبة اتدخل فيه كونترا للمبيت؛ يا ولاّ حكاية هذي ؛ لا عارف نضحك لا نبكي؛ طلبة قاتلها الشر موش لاقية باش تاكل او تشرب؛ او زيد يقرا او عارف روحو ماهوش باش يخدم؛ او فوق من هذا ايسكنوه في معتقل او يحبوه يفكر او ينتج؛ لا او ايجيك بهيم من البهايم في التلفزة متغشش كيفاش الشباب يحرق من تونس؛ تي قالك كل شيء متوفر لهنا؛ علاش يحرقوا؟؟؟ واحد ايقلك مرضى او لاخر ايقلك ضعف في الشخصية او انسلاخ عن الأصل او الثقافة؛ انا نقول اللي نعم ياسيدي عندك حق؛ الشباب مريض؛ على خاطر أي واحد عندو شوية فهم او بعض غرامات من الانسانية ما ينجم كان ايكون مريض او شخصيتو مظطربة في هالبلاد ؛ البلاد اللي المواطن فيها ما عندوش الحق في بريز يحبوا الشباب يقعد فيها؛ شباب مقهور؛ شباب فد من الكذب او الوعود؛ شباب فهم او عرف اللي هذي ماهيش بلادو؛ ماهاش بلاد تعيش فيها لعباد؛ بلاد ما تعيش فيها كان الدينصورات؛ او ياطالب يا عزيز؛ انشالله تحرق او تجيب بريز |
|
عن:Adem Salhi
على الساعة
12:29
|
عدد التعليقات:8
التسميات:
|
|
Chère madame
Je viens d'apprendre par le blog engagé boudourou ici (que je félicite au passage pour leurs engagements et le sérieux de leurs travail) que vous êtes en train de subir les attaques de certains journalistes de caniveaux qui essaient de faire du sensationnel sans vérifier la véracité de ce qu'ils racontent et qui tentent de vous intimider en ayant recours a des menaces disproportionnées et tentent de nous faire croire (fort maladroitement )que votre attitude résistantes serait choquante et immorale. Par cette lettre,madame, je souhaite avant tout vous exprimer ma vive gratitude car même si vos gestes historiques peuvent vous attirer le désaveu de certains médias hostiles(Je n'ai jamais vu une presse si profondément immorale, si incurablement pourrie) recourant aux amalgames , il suscite en nous hommes et femmes investis dans la vie de notre pays par ces temps houleux où « la barque semble prendre l'eau de toutes parts du courage et nous remplit d’espérance. Nous ne sommes donc pas dupes ! Il est bien évident pour tout esprit logique et juste que ce ne sont pas les journalistes de votre calibre qui s’opposent à certains agissements ,ouvertement destructrices, qui sont la cause du problème mais se sont ces agissements eux-mêmes Lorsqu’on fait en sorte de restreindre, voir de supprimer tout court,certains droits et libertés on remet en cause sciemment un des rares mécanismes susceptible de combattre efficacement les inégalités socio- culturelles, Lorsqu’on réduit à une peau de chagrin, ou qu’on supprime tout court certains droits et libertés on proclame ouvertement qu’on ne veut pas investir sur l’avenir de notre pays pour finir nous voulons ,en apposant notre soutien dans un esprit de respect et d'estime , construire avec vous pour les générations qui nous suivront un pays moderne démocrate et libre et nous demandons donc instamment, par un dernier geste de conscience a ces journalistes de se reprendre, et de renoncer à de telles agissement si visiblement inciviques car si tel n’est pas le cas, d’évidence leurs noms a eux et le nom de leurs journal serait à jamais entaché de honte dans l’histoire de la Tunisie Mes respects madame |
|
عن:3amrouch
على الساعة
08:13
|
عدد التعليقات:4
التسميات:
|
|
الاثنين، فيفري 09، 2009
|
|
اقتضت العادة انه حين نتحدث عن تدني المستوى الدراسي والتعليمي للتلاميذ إن يحمل التلميذ القسط الأوفر من اللوم والتقريع فهو المهمل وهو الكسول وهو المشتت الفكر والتركيز وهمه اللعب والسخرية من الأساتذة ثم يأتي دور الأولياء لينالوا نصيبهم من اللوم فهم مشغولون بالعمل ويقضون كامل النهار خارج البيت وفي المساء لا وقت لديهم لمراجعة تمارين أبنائهم ثم يختم الحديث بتحميل المسؤولية لكثرة البرامج وعدم مواكبتها للعصر وكثرة التجارب أخرها منظومة أمد لكن هنا السؤال الذي يطرح نفسه و ماهو نصيب الأستاذ وما مدى مسؤوليته عن ذلك؟؟؟؟ فمن المعلوم ومن المتفق عليه إن وجود مربي أو معلم كفء في المدرسة يعتبر أمرا حيويا فهو في العادة يلعب دورا مهما جدا في حياة الطفل وهو دور لا يقل أهمية أبدا عن دور الولي, ويؤدي واجبه على احسن مايرام في الحقيقة سوف لن أجيب عن السؤال ولكني سأقوم بمقارنة بسيطة واترك لكم الحكم بالأمس وعندما كنا صغارا كنا نخاف المعلم ونهابه بشدة ،نلقبه بسيدي المعلم ونرفع الأصابع للكلام وحين نلمح ظله في أول الشارع نتوارى خوفا من ان يرانا،كنا في بعض الاحيان نعاند سلطة الأب او الأم ولا نستطيع حتى مجرد رفع أعيينا في وجه الأستاذ كان للمعلم هيبة ووقار وكلمة مسموعة أكيد تتذكرون العصر الوردي للمعلمين ففي سني هذه ولليوم ينشرح صدري لرؤية معلمتي ولن انسي ماحييت كيف قدمت خصيصا لمواساتي في موت والدي فقد كان تعلقي بها جدا كبير وكنت احرص دوما على ان ابهرها بتفوقي لأرى نظرات الافتخار لديها و لكن اليوم دعونا نقف لحظة لنرى حال الأساتذة والمعلمين ؟؟؟ لمن لم يتيسر له البكاء فعليه ان يتباكى فالأتي شيء محزن حقا ومؤسف سوف نأخذ كمثال أستاذ قزوردي ويقول والعهدة عليه انه ملحق بالتعليم العالي يقول في التعريف بنفسه انه تونسي بالحق ثم يستطرد ليقول لنا ويخبرنا عن الحداثة وأثارها فيقول :أما الحداثة في بلادنا فهي مكسب علينا المحافظة عليه والعمل على تطويره والدفع به نحو آفاق أرحب وحمايته مما يتهدده من تآمر المتطرفين الدينيين موقف مزدوج كعادة أصحاب الشعارات والكلام الفاضيهذه عينة من تعاليقه الاستاذ القزوردي يقول.. يا بو العربي يظهرلي فيك خريت فيه بالشراب ما عادش تصبولو ياجماعة اظن ان هذه الجملة من الوضاعة والصفاقة مايغنينا عن كل تعليق وما يعطينا فكرة عن المستوى وقيمة الاخلاق الموجودة لدى السيد الاستاذ القزوردي يقول... تي ما قلت ما عادش راجع يا اللي تحب لبهيم من فوق اللوطة .. ما تسواش .. يا خوانجي ..
نعبر على بعض الأفكار والإرهاصات وبعض من مشاعري تجاه أمثالك لهنا تتكرر الصفاقة والكلام البذئي لكن يعلمنا أيضا انه مصاب بالعمى التاريخي ومنقطع عن العالم الخارجي فهو بعد عشرين سنة مازال يظن ان كلمة خوانجي هي سبة او شتيمة ومازلت لديه عقلية التسعينات متع "وحيث استفيد" غباء وقصر نظر منقطعيا لنّظير سيب عليك من ها اللغة الطايحة .. على خاطر إنت وأمثالك كانك خوانجي ماعادش تمثلو مشكلة في البلاد تمثلو ثقل يذكر ولا حتى البقية اظن هنا انه يقصد نفسه بالكلام عن اللغة الطايحة والشيء من ماتاه لايستغرب وظاهرلي عندك مشكلة مع المرايات ومع السباط المشيط والكسوة والكرافات وربما مع الصابون والدنتيفريس .. ربي يجبرلك لا افهم كيف يتم تسليم مستقبل اولادنا لمثل هؤلاء الذين بمثل هذه التصرفات لايزيدون الا تعميق الازمة ورغم مركزهم ومستواهم فهم لا يتوانون لحظة عن اخراج مافي عقولهم من امراض ولا يعني ذلك بالضرورة، أنها حالة نفسية أو عصبية، ولكن قد يعنى خللا في عمليات الانتداب او الفحوص الطبية لمعرفة مدى سلامة مدارك الشخص المعني هو لا يدري او يدري ويتغابى انه بالون من الهواء سرعان ما ينفجر، ولا يسبب سوى الإزعاج والضجيج! . لا أتخيلها أبدا أسيرة لصعلوك ملتح بجلباب يخفي آلاف العقد ورأس مملوء بالتعاويذ والخرافات . هنا يتحدث عن ابنته قرة عينه فهو خائف من الخوانجية فانصحة اذا بان يختار لها شاب مخنث يتلعوك ويشطح التكتونيك فماش مايلعبوا عروس وعروسة ولا طبيب وتوة كيف تروحلك بطفل توة تعرف شكون عندو عقد يامتفتح انت ولا تحملك سفاحا وتبدا تحشم في روحك في كلنيك الوليد اهوكة يعمل تسهيلات في الدفع ومايطلبش بطاقة التعريف
تتحدث عن الانسانية يا غلطة الزمان وفي الاخير يزكيه كبيرهم الذي علمهم السحر نونو القزوردي يقول... شي يعمل الكيف سي الاستاذ القزوردي
اختم بالتوجه اولا للمسؤول الاول عن المعلمين والتفقدية بان تراجع الملفات الطبية للأساتذة عوضا عن الانتماء كما اتوجه بالنصح لمن بعث لنا مجموعة المدونين الواطي نين القز ورديين بان يراجع عملية الانتداب واين يبعث المرة القادمة اناس محترمين وذو مستوى وقدرة على النقاش والحوار فلربما اقتنع ويهديني ربي وندخل الصف ؟؟ ماتنسواش قادمين على انتخابات وبمنتخب قزوردي هزيل كيما هكة تقول في حانة البهجة ولا قهوة بزديق ولد الحومة موش منتدى وتجمع لناس ذوي مستوى بدلو الفريق احسن اتوجه للاستاذ القزوردي برجاء (لاحظ اولا انني لم اسميك احتراما لسنك فقط) ومااستفزني هو تعريفك لنفسك بالتونسي الحق؟؟؟؟؟ علاش احنا توانسة بالكذب؟؟ جدي رحمه الله الي فكلو المحتل (الفرنسيس)ارضو وشنقوه عليها لاتهامو باخفاء الفلاقة ماهوش تونسي بالحق مسكين؟؟؟؟ مصنوع في الصين؟ ماناش صنع في تونس؟؟؟ زعمة هكة ظهرلك ؟؟؟؟ زعمة تنجم الليلة تنظر لنفسك في المراة؟ هل ستستطيع مجددا النظر لاولادك؟؟؟ ساترك لضميرك
|
|
عن:3amrouch
على الساعة
08:02
|
عدد التعليقات:8
التسميات:
حثالة المجتمع,
سقط المتاع
|
|
الأحد، فيفري 08، 2009
|
|
في أهمية العمل السياسي المنظم
أثارت التحركات الشعبية المؤيدة للفلسطينيين والمناهضة للعدوان الإسرائيلي على قطاع غزة مسألة الأفق السياسي لتك التحركات التي طغت على غالبيتها الطابع العفوي واتسما بمسحة حماسية عاطفية كان همها الرئيس هو التعبير عن غضب محتدم تجاه صمت عربي ودولي لما يحدث ضد شعب أعزل. وقد تتعدد القراءات والتحاليل بخصوص دوافع وآثار كسر جمهور كبير من التونسيين لجدار الخوف المبثوث منذ سنوات عديدة، وافتكاكهم للفضاء العام (الشوارع والساحات العمومية) لترديد شعارات سياسية مختلفة الطبائع ومتنوعة الأشكال، إلا أن جزءا كبيرا من تلك الرؤى تلتقي حول استنتاج واحد بمقدوره أن يغير من مواقف الكثير من المراقبين للوضع السياسي المحلي في المستقبل. حيث أثبت الحراك السياسي الذي شهدته تونس خلال الأسابيع الماضية أن اهتمام التونسيين بشتى شرائحهم الاجتماعية بالموضوعات السياسية لم تأفل ولم تتقلص متحدية في ذلك إرادة سياسية قائمة الذات منذ عشريتين قوامها المراوحة بين أساليب الترغيب والترهيب بغاية تنفير التونسيين من التعاطي في الشأن العام إلا بما يخدم أجندة الحزب الحاكم. ولا يسمح المجال في المكان الضيق بسط كل ما رصدته السلطة السياسية من طاقات ومجهودات بهدف إحداث قطيعة بين عامة الناس ومكونات المشهد السياسي، إلا أن ما يثير الاهتمام في هذا الظرف أن النتائج المأمولة من قبل مسطري تلك السياسة كانت دون المستوى المنتظر على ما يبدو وما خروج آلاف التونسيين للتظاهر السلمي في إطار القانون إلا أحد أبرز الأدلة على ذلك. غير أنه لا بد من الإقرار أن اشتغال جزء كبير من التونسيين حول الشأن السياسي واهتمامهم بالقضايا المحلية والإقليمية يبقى قليل الجدوى والفاعلية ما لم يترك بصمة في الواقع ويعمل على محاولة تغيير ما بدا خاطئا وغير سليم. وهذا لا يمكن تحقيقه إلا بتكاتف القدرات وتعاضد الطاقات وتكتيل القوى في أطر عمل مشتركة وجماعية منظمة. فلتخيل عل سبيل المثال أنه لو اجتمع قطاع كبير من التونسيين من الذين تظاهروا في الشوارع لنصرة غزة في أحزاب سياسية تؤطر وتعبئ طاقاتهم بشكل مهيكل أو لم يكن أقدر أن تكون لمطالبهم وآمالهم صدى أفضل وتأثيرا أوسع نطاقا مما هو عليه في الفترة الماضية؟ أعتقد أن فرص وإمكانيات العمل السياسي المنظم ممكنة في تونس لو يؤمن جميعنا في أن القدرة على إحداث التغيير الحقيقي لجميع أوضاعنا عي هاجسنا المركزي والأخير. |
|
عن:Sofiene Chourabi
على الساعة
18:36
|
عدد التعليقات:3
التسميات:
|
|
كتاب (التساهل مع غير المسلمين مظاهره وآثاره) لعبدالله إبراهيم الطريقي، تكلم فيه عن مظاهر التساهل مع الكفار في كافة المجالات :العقدية والتشريعية والاقتصادية والفكرية ، ثم تكلم عن آثار هذا التساهل كتاب جيد من مطبوعات دار الوطن هو كتاب بحثت عنه طويلا ووصلني مؤخرا (بارك الله في اخي انيس الذي تكفل بالشراء والارسال) وساشرع في قراءته قريبا وانقل لكم بعض المقتطفات عسى ان تتغير نظرتكم للدنيا وللعالم وتحصل افادة تندرج هذه التدوينة في اطار الحديث عن الهوايات وكيفية قضاء اوقات الفراغ التي طالب بيها زياد لكي لايقع التاويل |
|
عن:3amrouch
على الساعة
09:19
|
عدد التعليقات:17
التسميات:
|
|
السبت، فيفري 07، 2009
|
|
دون تـعـلـــــــــــيق
|
|
عن:brastos
على الساعة
11:47
|
عدد التعليقات:18
التسميات:
|
.jpg)
|
الجمعة، فيفري 06، 2009
|
|
أيا يا سيدي ... عسلامة هاني جيت
ما فيبالكمش ؟ ما حكيتلكمش ؟ تي مش تونس – اللهم لا حسد- اتطورت تطور غير مسبوق في كسب رهانات البروموسبور و النوفي ؟ مش تونس قالك – خمسة و قرن غزال- ولات تضاهي في البلدان المتقدمة و قالك باراك أوباما ما يرقدش الليل ...خايف من التونسيين الوطنين
نقول و نعاود وطنين ... ما نحكيش عالبابوش بو مصة على غراري أنا و غرار أغلبية المدونين و الصحافيين الي هذوكم تنجمو تعتبروهم يا حياوانات يا شرذمة ضالة ... لا عاد ... تبعوني مليح ... راني نحكي على هاك الوطنيين الي تتقاس وطنيتهم بعدد تصفيقاتهم في الثانية ....قالك ... عين ما تضرهم ... زميمهم عمل رقم قياسي 30 تسفيقة في الثانية ... يا بو قلب ... أسرع من السينما ...غريبة... أنا كان سألوني نقللهم راهو تسفيقم ما يكون كان ... سينما ...
ايا سيدي هالجماعة ... وصل بيهم التطور الى حدود الماكارتيزم ...يعني في الخمسينيات في تاريخ الولايات المتحدة ...برافوا لولاد ... شوية تصفيق و ال اش وخمسين سنة نجيبوهم ...بحول الله
علاش نحكي عالماكارتيزم ... السيد صاحب هالمدونة ... عمل ليستة حاطط فيها أسامي مدونات ضالة و قالك "شرذمة من مبتوري الوجوه" ... و عمل بالمناسبة تصفيقتين و الا تلاثة للوكالة التونسية للأنترنات ...يطول في عمرها و يعطيها الصحة و قالك .... شد عندك و تنفس مليح قبل ما تقرأ : توة بديت نفهم علاش الوكالة التونسية للأنترنات تقوم بحجب بعض المدونات و ذلك ببساطة لأنها تخالف القانون الذي يمنع التشهير بالقذف و السب
يعني سمعتوشي مدون في العالم أجمع ... توصل بيه الوطنية متاعوا أنوا يقول ... ميسالش سكرولي فمي يا ناس بالحجب و كان تحبو زادة في الثنية تستبيحوا جسدي أو جسد واحد من عائلتي ..ما فيها باس ... هاي الرجولية و الا لوٌح
أيا يا جماعة ...هضموا ...هضموا ...الطق مازال جاي ...
Marchez … soufflez …. Marchez … soufflez
أسمع اش قالك :
هؤولاء المدونين (المدونين مش المدونون ...مش مشكل) لأسف تخلوا عن وطنيتهم ليجندوا أشباه مدوناتهم لمهاجمة مدونين شرفاء اختاروا أن يسخٌروا الانترنيت لاظهار وطنيتهم و الهتاف بصوت واحد (يموتوا على أحدية الصوت) "معا من أجل تونس, معا من أجل بن علي"
يعني الوطنية بالنسبة ليه هو هتاف معا من أجل تونس, معا من أجل بن علي ؟؟؟
أنا بش نجاوبك يا سيدي نقلك .. كان أنا الوطنية متاعي يقيسها جاهل كيفك عندوا ليستة في يده و ناصب العسة ... أنا نقلك خلي الوطنية متاعك عندك ...وقيد ..بالستيلو و الا بالفوتر و الا بالقلم ... (أهوكا أنا عطيتك الحرية)
قيد ...القوفرنور مش وطني ...و نقولها ...ماناش معا من أجل تونس و ماناش معا من أجل بن علي ... أنا يا سيدي ... وحدي من أجل تونس .. وما نيش معاك و ما نتشرفش باش نكون معاك
و ختاما ... بالله ماعادش تشلك شعراء عندهم ما يقولوا كيما أولاد حمد في تدوينة ما عندك فيها ما تقول ... و ننصحك ...نصيحة وسع ... أرجع للكوبيي كولي كيما أصدقاءك القزورديين ...قالوا ... أحب البلاد كما لا يحب البلاد أحد ...صباحا مساءا وقبل الصباح و عند المساء .... عند ؟ عند ؟ تتذوق انت الشعر ؟ عند ؟؟ عندك لسان تتذوق بيه و الا حاطط طرف كرذونة ؟ عند ؟ عند ؟ تي حتى في المعنى ماتجيش ...
شلكت أولاد حمد و شلكت الرئيس و شلكت التدوين و شلكت الحزب الدستوري
أنا في بلاصتك ربي عطاني زوز يديات ننصحك في عوض تصفق بيهم ..استعملهم للندب
و أندبهم أندبهم أندبهم ...عالمستوى |
|
عن:Gouverneur de Normalland
على الساعة
17:48
|
عدد التعليقات:5
|
|
|
|
عن:3amrouch
على الساعة
09:59
|
عدد التعليقات:14
التسميات:
|
|
الاشتراك في:
الرسائل (Atom)
|